مجیب ځدران: ویاړ دی، چې د نړۍ دوهم نمبر توپ اچونکی یم

د افغانستان کرکټ ملې لوبډلې سلو توپ اچونکې مجیب الرحمن ځدران د طلوع ټلویزیون سره په یوې تازه مرکه کې ویلې، د ویاړ ځای دی، چي د نړۍ دوهم نمبر توپ اچونکی یم.
مجیب ځدران په یاده مرکه کې وویل، چې په نړۍ کې ګڼ شمېر غوره توپ اچونکې شته، خو دا ورته د ویاړ خبره ده، چې دوه افغان لوبغاړي تر ټولو مخکې دي.
مجیب زیاته کړه:

«دا راته هم خوشحالي راکوي او هم یو لوی مسوولیت دی، چې د نړۍ دوهم نمبر توپ اچونکی یم. په نړۍ کې ګڼ شمېر ښه او غوره سلو توپ اچونکې شته، خو بیا هم د نړۍ لومړی نمبر راشد او د نړۍ دوهم نمبر زه یم، چي دا ډېر د خوشحالۍ ځای ده. مسوولیت هم، ځکه موږ غواړو د افغانستان لپاره ښې لوبې ترسره کړو او له دې هم افغان لوبغاړې پرمختګ وکړي.»

د شل اوریزه سیالیو په نړیواله درجه بندي کې د افغان کرکټ ملې لوبډلې دوه لوبغاړې راشدخان ارمان او مجیب الرحمن ځدران پر توپ اچونکو باچاهي کوي.
راشدخان په یاده درجه بندي کې د ۷۳۶ نمرو په درلودلو سره د نړۍ لومړی توپ اچونکی او مجیب ځدران بیا د ۷۳۰ نمرو په درلودلو سره د نړۍ دوهم نمبر توپ اچونکی دی.
د دې ترڅنګ بیا مجیب ځدران د یو ورځینو سیالیو په نړیواله درجه بندي کې د نړۍ درېیم نمبر توپ اچونکی دی.
هغه بیا د یو ورځنیو سیالیو په یاده درجه بندي کې ۷۰۱ نمره لري.
مجیب د افغان کرکټ ملې لوبډلې ترڅنګ سپین غر بازانو، بُست ډیپينډرز، کومیلا ویکټورینز، کینګز الیون پنجاب، همپشایر، ننګرهار لوپارډز، بریسبین هیټ او میډل سیکس کلبونو لپاره لوبې ترسره کړې دي.

Be the first to comment

Leave a Reply

Your email address will not be published.







وروستي مطالب