سپورټ کرکټ وزش او تمرین

له ملې لوبډلې سره څلور نور افغان لوبغاړي یوځای کیږي

لیکنه: محمدصابر حمیدي

افغان کرکټ بورډ خبر ورکړی، چې د ملي لوبډلې سره د یوځای کېدو په موخه یې څلور نور افغان لوبغاړي پرون متحده عربي اماراتو ته واستول، تر څو د ملي لوبغاړو سره په روان تمریناتي کمپ کې ګډون وکړي.

دا څلور لوبغاړي قیس احمد، فضل حق، حمزه هوتک او فرید ملک دي.

بورډ پر خپلې رسمې فیسبوک پاڼې لیکلي، چې د ملي لوبډلې د بشپړ چمتووالي په موخه یې څلور نور توپ اچوونکي د متحده عربي اماراتو پر لوري ولېږل، ترڅو د توپ اچونې په ډګر کې د لوبډلې د چمتووالي په موخه له یادو توپ اچوونکو ګټه پورته شي.

افغان کرکټ بورډ د ایرلینډ په وړاندې راتلونکو دریو یو ورځنیو لوبو ته خپله ۱۶ کسیزه لوبډله څو ورځې وړاندې اعلان کړه، چې دوې ورځې وړاندې یې بیا متحده عربي اماراتو کې تمرینونه پیل کړل.

اعلان شوې لوبډله په دې ډول ده

اصغر افغان, رحمت شاه، نوین الحق، هشمت‌الله شهیدي، یمین احمدزی، عثمان غني، عضمت‌الله عمرزی، رحمن‌الله ګربز، سیداحمد شېرزاد، نجیب‌الله ځدران، جاوید احمدي، راشدخان ارمان، محمدنبي، ګلبدین نایب، مجیب‌الرحمن ځدران او شراف الدین اشرف.

ټاکل شوې افغان کرکټ ملې لوبډله په خپل کوربتوب متحده عربي اماراتو کې درې یو ورځنۍ لوبې د روانې جنورۍ میاشتې په ۲۱مه، ۲۴مه او ۲۶مه نېټه ترسره کړي.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی د کندهار پوهنتون د ښووني او روزنې پوهنځی د پښتو څانګې څخه فارغ شوی. په کندهار کې د ” زما“ راډیو سره په خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ