محمد عامر بیرته ډېر ژر له پاکستانۍ لوبډلې سره یوځای کیږي

لیکنه: محمد نسیم حمیدي
د پاکستان کرکټ ملې لوبدلې پیاوړی تیز توپ اچونکی محمد عامر به د انګلستان په وړاندې سیالیو ته د پاکستان کرکټ ملې لوبډلې سره یوځای شي.
د انګلستان په وړاندې سیالیو کې پاکستاني کرکټ بورډ له محمد عامر څخه غوښتي وه، چې ورسره ولوبیږي، خو محمد عامر انکار کړی وو.
محمد عامر د خپل نوې زېږېدلې لور له امله د یاد سفر څخه انکار کړی وو.
خو اوس تازه پاکستان کرکټ بورډ ویلې، چې هغه به د انګلستان په وړاندې د پاکستانۍ لوبډلې ملتیا وکړي.

نوموړی به انګلستان ته د تګ مخکې دوه ځله د کرونا ټيسټ وکړي او له هغه وروسته به بیا انګلستان هیواد ته سفر وکړي.
محمد عامر له پاکستانۍ لوبډلې سره په داسي مهال یو ځای کیږي، چې ددې لوبډلې د بل تیز توپ اچونکي حارث روف د کرونا ټیسټ د څلورم ځل لپاره هم مثبت ختلی.
ټاکل شوې پاکستان او انګلستان کرکټ ملي لوبډلي له اوږده ځنډه وروسته یو د بل په وړاندي درې شل اوریزه او درې بیا ټیسټ لوبې ترسره کړي.
انګلستان او پاکستان هیوادونه لومړی درې ټیسټ لوبي د جولای له ۳۰مي بیا د اګسټ میاشتي تر ۲۴مي نېټې پوري ترسره کوي.

همدارنګه له هغه وروسته به دا دوه هیوادونه درې شل آوریزه لوبي د اګسټ په ۲۹مه، د اګسټ په ۳۱مه او د سپټمبر په ۲مه نېټه ترسره کړي.
دا ټولي لوبي د انګلستان هیواد په کوربتوب ترسره کیږي.
د پاکستان لپاره په درو ټیست سیالیو کي مشري اظهر علي ته او په درو شل اوریزه لوبو کي بیا بابر اعظم ته ور دغاړي ده.
خو انګلستانۍ لوبډله بیا اوس د ویسټ انډيزه سره په ټیسټ لوبو بوخته ده.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي