محمد عامر: که مصباح او یونس خان کرکټ بورډ نه لېرې شي، بېرته راځم

د پاکستان ۲۸ کلن کیڼ لاسي چټک توپ اچوونکي چې نږدې یوه میاشت وړاندې له لوبو سره مخه ښه وکړه، تازه یې رسنیو ته ویلي، که چېري د پاکستان کرکټ بورډ اوسنی غوراوي کمېټې مشر مصباح الحق او د لوبډلې روزونکی یونس خان له رهبرۍ لېرې شي، دی چمتو دی چې بېرته د پاکستان لپاره ولوبېږي.

د محمد عامر دلیل

هغه ویلي دي، که چېرې یو لوبغاړی ازاد پرېښودل شي، په فزیکي او ذهني لحاظ د کرکټ بورډ د مشرانو لخوا محدود نه شي، هر لوبغاړی بیا کولای شي، چې زبردسته لوبې نندارې ته وړاندې کړي، د هېواد بیرغ ورپوي او له اتلولیو ډکې لوبې وکړي؛ خو کله چې لوبغاړی لږ محدود شي، بیا خپل ذهني شفافیت او وړتیا په تدریجي ډول له لاسه ورکوي او بالاخره د لوبو پرېښودو ته اړ کېږي.
ښایي هغه د پاکستان د کرکټ بورډ د رهبریت له خوا محدود شوی وي او همدا علت دی، چې کرکټ یې پرېښود.

نومبر میاشت او له محمد عامر پرته د پاکستان لوبډله

د ۲۰۲۰ کال د نومبر په میاشت کې د پاکستان لوبډله نیوزیلېنډ ته ولاړه، د پاکستان د لوبډلې په نوملړ کې د محمد عامر نوم نه و، دې چارې عامر ودرداوه او هغه هم د پآکستان لوبډلې پرځای د سریلانکا سوداګریز لیګ کې برخه واخیسته.
هغه په ګال ګلېدېئټرز لوبډله کې له شاهد افریدي سره ولوبېد او لوبډله یې پایلوبه کې ماته شوه.

نوموړي په دې لوبو کې له افغان بالر نوین الحق سره هم لانجه وکړه او هغه لانجه یې هم مشهوره شوه او ډېری خلکو پرې غبرګونونه وښودل.
له سریلانکا لیګ وروسته محمد عامر د پاکستان لپاره له لوبېدو استعفا وړاندې کړه او استعفا یې د کرکټ نړۍ او په ځانګړي ډول پاکستانیان ولړ زول.
د پاکستان کرکټ بورډ وویل، چې د ده استعفا د پاکستان کرکټ لپاره یوه ضربه ده.

د محمد توپ اچونه

په اوسني پېر کې د محمد عامر په څېر بالران کم پېدا کېږي، چې د پاکستان په حمله کوونکې توپ اچونه کې د محمد عامر ستر لاس و.
هغه په شل اوریزو، یو ورځنیو او ټېسټ لوبو کې د پاکستان لپاره اټېک بالېنګ کاوه، سرعت او سوېنګ یې په توپ اچونه کې د بریا ستر راز و.
۲۰۱۷ کال قهرمانۍ جام یا چمپین ټرافي کې یې په پایلوبه کې د هندوستان ټاپ ارډر بېټېنګ ونړاوه او د پاکستان په اتلولۍ کې لوی رول ولوباوه.
هغه ویرات کولي او روهېټ شرما په لومړیو کې وسوځول او ورپسې درېیمه وېکټ هم ژر واخېسته.
د دې سربېره یې ۲۰۱۱ نړیوال ۵۰ اوریز جام کې د اسټرالیا پر وړاندې وروستیو اورونو کې ۵ وېکټې واخېستې او له همدې امله خورا مشهور شو.
خو له دې وروسته پرې د رشوت او بډو اخیستنې له امله ۵ کلن بندیز ولګول شو او ۲۰۱۷ کې بېرت لوبډلې ته راغی.
عامر ۲۰۰۹ کې کرکټ ملي لوبډلې ته راغلی و او ۲۰۲۰ کې یې لوبې پرېښودې.
په دومره وخت کې یې نږدې ۸۰۰ وېکټې اخیستي دي.
 

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




قیس احمد د انګلستان ویټالټي بلاسټ سیالیو ته واخیستل شو

لیکوال: محمد صابر حمیدي ، کندهار - برخه : سپورټ

قیس احمد د انګلستان په کورني لیګ «Vitality Blast» سیالیو کې ګډنوالې لوبډلې کینټ واخیست او ددې لیګ په راتلونکې پړاو کې به افغان لوبغاړی قیس احمد د یادې لوبډلې سره ولوبیږي. کینټ لوبډلې پر ... نور ولولئ