مارچ 2, 2021

د میدان وردګ کرکټ لوبغالي رغنیزي چارې پيل شوې

لیکنه: محمدصابر حمیدي

د هیواد کرکټ بورډ وايي، دا لوبغالی به د یو نیم کال په موده کې بشپړې ګټې اخیستنې ته وسپارل شي.
کرکټ بورډ د یوې خبرپاڼې په خپرولو سره ویلې، چې د میدان وردګ ولایت د کرکټ لوبغالي د ځمکې لېږد چارو له بشپړېدو وروسته یې پرون په رسمي توګه ددغه لوبغالي د رغولو چاري پيل کړې.

په یاده خبرپاڼه کې راغلې، چې دا لوبغالی په مرکز میدان ښار کې پر ۲۲ جریبه ځمکه جوړیږي، چې د ۴ زره نندارچیانو د ځایولو ظرفیت به ولري.
د افغانستان کرکټ بورډ رییس فرهان یوسفزي بیا په دې تړاو پر خپلې رسمې فیسبوک پاڼې ویلې، چې په هیواد کې د کرکټ مروجولو لپاره د اسانتیاوو راوستل او لوبغالو جوړول مهم ګامونه دي.
کرکټ بورډ وايي، چې اداره یې د نورو ډګرونو ترڅنګ په رغنیزو چارو کې هم بنسټیز کارونه پر لاره اچولې، چې په ګټې اخیستو سره به یې هیوادوال په ځانګړې توګه د کرکټ لوبغاړي برخمن شي او له لارې به یې ډېر پټ استعدادونه راپیدا شي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




راشدخان: د یوه قوي ټیم درلودلو لپاره اړتیا ده، زیاتې ټیسټ لوبې وکړو

لیکوال: محمد صابر حمیدي ، کندهار - برخه : سپورټ

لیکنه: محمدصابر حمیدي     د ایسفاین کرکی انفو د راپور له مخي د افغانستان د کرکټ ملې لوبډلې نامتو لوبغاړي راشدخان ویلي، چې که موږ په کال کې له درې ـ څلورو لوبو ډېرې ... نور ولولئ