مارچ 4, 2021

ننګرهاروالي: اکثره لوستي افغانان په سیاسي او فکري رنځ اخته دي

راپور: بشر درویش
د ننګرهار والي شاه محمود میاخیل چې تر ډیره په ټولنیزو شبکو فعال دی، تازه یې ویلي چې اکثره افغانان په سیاسي او فکري رنځ اخته دي.
نوموړي دا خبرې پر ټویټر لیکلي دي.
ښاغلي میاخیل ویلي چې لسیزې کیږي افغانانو ځانونه مړه کړل.
هغه لیکلي:

«افغانانو څلور لسیزې ځانونه او نور مړه کړل، خو سیاسي بلوغیت ته ونه رسیدل. اکثره لوستي یا په نامه تعلیمیافته د ټولو نه زیات په سیاسي او فکري رنځ اخته دي.»

والي او ورسره ناندرې

ننګرهار والي اکثره وخت پر ټولنیزو شبکو له خلکو سره لاس و ګریوان وي.
نوموړی تر ډیره مدني فعالانو او د رسنیو خبریالانو سره په ناندریو کیږي.
په وروستیو کې د (هاها ډلې) په نوم د هغه یوې اصطلاح کارولو هم د ځوانانو مثبت او منفي غبرګونونه راپارولي دي.
والي شاه محمود میاخیل وايي، هغوی د هاها ډله ده چې د شخصي او غیرې قانوني موخو لپاره منفي تبلیغات کوي، وضعیت ناسم ښيي او بې ځایه شیانو پسې نښتي وي، خو په عین حال کې یو شمیر ځوانان که څه هم د والي دا خبره مني چې داسې اشخاص شته، خو نیوکه کوي چې نوموړی دا اصطلاح اوس د ټولو هغو لپاره کاروي چې پر حکومت خصوصاً پر ده او اداره یې نیوکه وکړي.
په یوه بل پوسټ کې ښاغلي میاخیل پر خپل ټویټرلیکلي:

« د معارف وزارت نوم باید بیرته د تعلیم او تربیې وزارت شي.»


هغه ویلي؛ تربیه کې انسانیت، اداب، احترام، اخلاق، خپل وطن او خلکو سره مینه شامله ده.
په ټوله کې د ننګرهار والي او یو شمیر فعالانو ترمنځ چې ځانونه د اوسنۍ والي منتقدین بولي، تر ډیره سره انلاین ناندرۍ او کمنیټ بازي کوي، چې یو شمیر خلک د چارواکو دا کار پرځای بولي، څو مستقماً له خلکو سره تماس کې وي او ځواب ووايي.
 
 

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




وروستي مطالب

جلال ابا کې چاودنې یوه ډاکټره ووژله

لیکوال: عاقله اسد - برخه : افغانستان

د راپورونو له مخې، نن سهار د جلال اباد ښار په درېيمه ناحیه کې ماین چاودنې د دې ولایت د حوزوي روغتون یوه ډاکټره وژلې ده. د والي ویاند عطاالله خوګیاڼی وايي پېښه د پاکستان ... نور ولولئ