سپورټ فوټبال وزش او تمرین

میسي د نړۍ دویم ورزشکاره میلیاردر شو

Barcelona's Argentine forward Lionel Messi celebrates scoring the opening goal during the Spanish league football match between FC Barcelona and Granada FC at the Camp Nou stadium in Barcelona on January 19, 2020. (Photo by LLUIS GENE / AFP) (Photo by LLUIS GENE/AFP via Getty Images)
لیکنه: محمدصابر حمیدي

د ارجنټاین هیواد د فوټبال ملې لوبډلې او اسپانوي کلب بارسلونا تکړه او نامتو لوبغاړی لیونل میسي په نړیواله کچه دویم ورزشکاره شو، چې خپله شخصي پانګه یو میلیارد ډالرو ته رسوي.

میسي تر بل نامتو فوټبالر کریسټیانو رونالډو راوروسته دې ځای ته ځان رسولی.

میسي اوس د نړۍ په کچه هغه شتمن فوټبالر دی، چې یوازې د فوټبال له طریقه پيسې نه ترلاسه کوي، بلکې له فوټباله ور هاخوا هم زیاتې پيسې لاس ته راوړي.

د امریکايي مجلې فوریس د اعلان له مخې میسي به ډېر ژر په رسمې توګه د یوه ورزشکار میلیاردر په توګه وپېژندل شي.

د یادې مجلې د راپور له مخې میسي به تر رونالډو وروسته د نړۍ دویم میلیارد ورزشکاره شي.

میسي د فوټبال ترڅنګ د اډیډاس کمپنۍ، فراملیتي ژیلت شرکت، پيپسي کولا او تاتا موټرونو سره په تبلیغاتي برخه کې دندې لري، چې هر کال ورڅخه په میلیونونه پيسې ترلاسه کوي.

۳۳ کلن لیونل میسي په داسي مهال د نړۍ دویم ورزشکاره میلیاردر کیږي، چې هغه څو اونۍ وړاندې د بارسلونا لوبډلې څخه د جلاکېدو غوښتنه کړې وه.

خو وروسته یې په یوې مرکه کې بیرته خپله پریکړه واخیستله او ویې ویل، چې د بارسلونا کلب مسوولینو ورته اجازه نه ورکوله.

لیونل میسي یوازینی فوټبالر دی، چې ۶ ځلې یې د سرو زرو توپ او ۶ ځلې یې بیا د سرو زرو بوټ ترلاسه کړی.

د سرو زرو توپ د کال تر ټولو غوره فوټبالر ته او د سرو زرو بوټ بیا د کال تر ټولو ډېر ګولوهونکي ته ورکول کیږي، چې میسې شپږ  ځلې د ټولې نړۍ غوره لوبغاړی او  شپږ ځلې بیا د ټولۍ نړۍ په سطحه ډېر ګولوهونکی لوبغاړی پېژندل شوی.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ