مارچ 8, 2021

ملبرن رینیګیډز او سډني سیکرز لوبډلې په برخلیک ټاکونکې سیالۍ کې مخ دي !

Advertisements

په اسټرالیا کې د بیګ باش ۲۰ اوریزه کرکټ لوبو په روانه لړۍ کې نن دوه لوبډلې پای لوبې ته د رسیدو پریکړه کونکې لوبې کې مخامخ دي.

 د هوبرټ هریکنز او ملبرن سټارز لوبډلو ترمنځ د لمړۍ نیمه پای لوبې وروسته نن په دویمه نیمه پای لوبه کې ملبرن رینیګیډز لوبډله د سډني سیکسرز خلاف د سیالۍ ډګر ته ځي، چې ترې ګټونکې لوبډله د سږ کال بیګ باش سیالیو پای لوبې ته رسیږي.

 په لمړۍ نیمه پای لوبه کې ملبرن سټارز لوبډلې هوبرټ هریکنز ته په ماتې ورکولو سره پای لوبه کې ځای کره کړ، خو د نن ورځ دویمې سیالۍ کې بلې لوبډلې ته انتظار کیږي.

 د اسټرالیا د کورني کرکټ (BBL) بیګ باش ۲۰ اوریزه تجارتي سیالیو اتم پړاو لوبې د تیرې ډیسمبر میاشتې په ۱۹ مه نیټه د اسټرالیا په بریسبان کې پیل شوې، چې اوس مهال یې یواځې دوه نورې لوبې پاتې دي.

 هوبرټ هریکنز، ملبرن رینیګیډز، مبلرن سټارز او سډني سیکسرز لوبډلې نیمه پای لوبو ته ورسیدې، خو د تیر کال اتلې آډلایډ سټرایکرز په شمول بریسبان هیټ، پرت سکارتچرز او سډني تندرز لوبډلې په مسلسل ماتو له مخکې تګ څخه پاتې شوې.

 په ترسره شویو ۷ پړاونو کې ۳ ځل پرت سکارچرز او یو ځل د بریسبان هیټ، سډني سیکسرز، سډني تندرز او آډلایډ سټرایکرز لوبډلو د اتلولۍ جام ګټلی دی.

فرهان یوسفزی: که ملي لوبغاړي ښه وځلیږي، معنوي او مادي مرستې ورسره کوم

لیکوال: محمد صابر حمیدي ، کندهار - برخه : سپورټ

Advertisements لیکنه: محمدصابر حمیدي   د افغانستان د کرکټ بورډ له لورې په خپره شوې اعلامیه کې راغلې، چې د کرکټ بورډ عمومي رئيس فرهان یوسفزي پرون ماښام د افغانستان ملي لوبډلې لوبغاړو سره چې ... نور ولولئ