خواړه

د مزاري شیریخ د چمتو کولو طریقه؛ دلته مو پرې پوهوو

لیکنه: نسیمه محمدي

هر هېواد خپل ځانګړي خواړه او خوراکونه لري او په هغو سره پېژندل کېږي، په افغانستان کې هم، پلو، قابلي، بولاني، منتو او… مشهور خواړه شته، چې ډېر مینه‌وال لري، خو باید پوه شئ، چې یو ډول خوندور خواړه هم شته، افغاني شیریخ چې په ټول هېواد کې موندل کېږي او د هرات او مزار شریف شیریخ ډېر مشهور دي، چې هر یو په ځانګړي ډول چمتو کېږي.

اړین توکي

غوړې شیدې- یو لیټر

بوره- ۱۰۰ګرامه

خام پېروی- یوه پیاله

پسته- د ډېزاین لپاره

چمتو کولو طریقه

لومړی یو لیټر شیدې په ملایم اور جوش او ۱۰۰ ګرامه بوره اضافه کوو.

ورو ورو شیدې ښوروو او د یوې پیالې پېروي له زیاتولو وروسته، پنځلس دقیقې یې نور هم ایشوو او وروسته یې په یو بل لوښي کې تل او پرېږدو چې شیدې سړې شي.

کله چې شیدې سړې شوې، شیدې په زېپ لرونکي پلاستیکي کڅوړو کې اضافه او د څلورو ساعتونو لپاره یې په فریزر کې ږدو.

له یوې شپې وروسته یې بیا په لوښي کې باسو او ښه یې سره ګډوو.

دا ځل بیا هم شیریخ د یوې شپې لپاره په فریزر کې ږدو.

په بله مرحله کې شیریخ آماده دی او کولای شئ د پستې او کورني پېروي سره یې ډیزاین کړئ.

سرچینه: fa2 ifilmtv.com

د لیکوال/ لیکوالې په اړه

نسیمه محمدي ، کابل

نسیمه محمدي، لېکواله، ژباړنه او د روغتیايي برخې محصله ده. نوموړې یاران ته په بیلابیلو مسالو په ځانګړې توګه روغتیا سره په تړلو موضوعګانو لیکنې، ژباړې او مطالب چمتو کوي. په یاران کې د نسیمې د خپرو شویو لیکنو د بیا خپراوي حق له یاران ادارې سره خوندي دی.

تبصره مو ولیکئ