اپریل 11, 2021

افغانستان: سږکال د کبانو ۳۵۰ نوي فارمونه جوړ شوي

Advertisements
راپور: بشر دروېش

د کرنې، اوبولګولو او مالدارۍ وزارت چارواکي وايي، چې د روان کال به ترڅ کې د کرنې وزارت او خصوصي سکټور له لارې د هېواد په ۳۴ ولایتونو کې د کبانو ۳۵۰ تولیدي او تکثیري فارمو جوړ شوي دي.
د کرنې وزارت یوه خبرپاڼه کې ويلي؛ د کب روزنې د برخې امر خلیل الله فروغ وایي، چې سږکال په ټولیزه توګه د هېواد په بېلابېلوولایتونو کې د کرنې وزارت د بڼوالۍ او مالدارۍ ملي پروژې له خوا د کب روزنې ۱۰۰ فارمونه او په ورته وخت کې د خصوصي سکټور له خوا د کب روزنې ۲۵۰ فارمونه جوړ شوي دي.
د کرنې وزارت د بڼوالۍ او مالدارۍ ملي پروژه د کب روزنې ۱۰۰ نوي فارمونه چې په کې د کبانو د بچیو دوه تولیدي فارمونه شامل دي د کونړ، بلخ، بغلان، لغمان، کندهار، خوست او هرات په ولایتونو کې جوړ کړي دي، چې تولیدي فارم یې د ۲.۷ میلیونه بچیانو د تولید وړتیا او تکثیري فارمونه یې د کبانو د دوه میلیونه او ۴۰۰ زره وبچیانو وړتیا لري.

خلیل الله فروغ زیاته کړه:

«د شمېرو له مخې چې موږ تر لاسه کړي دي، سږکال د کبانو د تولید کچه هم د تېرکال په پرتله یوزر او ۵۰۰ ټنه زیات شوي دي.»

یاد وزارت ویلي؛ تېرکال د کبانو د تولید کچه نږدې ۱۰ زره ټنو ته ورسېد او سږکال ۱۱ زره او ۵۰۰ ټنو ته رسیږي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي