سپورټ کرکټ وزش او تمرین

چټک توپوهونکی «مکسویل» بیا کرکټ ته راستون شو!

Bengaluru: Glenn Maxwell of Australia in action during the second T20I match between India and Australia at M Chinnaswamy Stadium in Bengaluru on Feb 27, 2019. (Photo: IANS)

اسټرالیا کرکټ ملې لوبډلې د انګلستان خلاف سیالیو ته خپله لوبډله اعلان کړه، چې پکې تکړه او نامتو لوبغاړی مکسویل هم شتون لري.

د اسټرالیا لوبډله په دې ډول ده:

شین ابوټ، اشټن اګر، الکس کېري، پات کومینز، ایرون پینچ، جوش هزلوډ، ترویس هیډ، عثمان خواجه، مارلوس لبیسچینج، نتن لاین، میچل مارش، کلین مکسویل، بین مک ډیرموټ، ریلي میردیت، میچل نیصیر، جوش پیلیپ، دانیل سامز، ډي ارسي شارټ، کین ریچارډسن، سټیون سمیت، میچل سټارک، مارکوس سټونس، انډري ټای، متیو وېډ، ډيویډ وارنر او ادم زیمپا.

په دې ۲۶ کسیزه لوبډله کې کلین مکسویل هم لیدل کیږي او له لوبډلې څخه تر لرې والي وروسته بیا راستنیږي.

راپورنه وايي، چې مکسیول د تېر ۲۰۱۹م په نومبر میاشت کې د روانې ستونزو له کبله له خپل بورډ څخه د رخصتیو غوښتنه کړې وه، چې بورډ یې هم ورسره منلې وه.

اسټرالیا او انګلستان کرکټ ملې لوبډلې روانه جولای میاشت د یو ورځنیو او شل اوریزه سیالیو لړۍ درلودې، خو د کورونا ویروس له امله لا هم د ځنډ سره مخ دي.

ددې دوو هیوادونو د کرکټ بورډونه هڅه کوي، راتلونکې سپټمبر میاشت کې دا لړۍ ترسره کړي، چې سر له اوسه لا اسټرالیا ورته لوبډله اعلان کړه.

انګلستان کرکټ ملې لوبډله بیا اوس د ویسټ انډیز سره په خپل کوربتوب د دریو ټیسټ سیالیو په لړۍ بوخته ده او له هغه وروسته بیا د پاکستان سره د ټیسټ سیالیو ترڅنګ شل اوریزه سیالۍ هم لري.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی د کندهار پوهنتون د ښووني او روزنې پوهنځی د پښتو څانګې څخه فارغ شوی. په کندهار کې د ” زما“ راډیو سره په خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ