Advertisements
سپورټ نړیوال کرکټ

تر دوه کلني ميني وروسته مکسويل کوزده وکړه

لیکنه: مدثر دعوت

ليکنه: مدثر دعوت

اسټرالياوي کريکټر د ويني رامان په نوم د يوې پيغلې سره کوزده وکړه.

ګلين مکسويل او ويني رامان دواړو پر خپل انسټاګرام د خپلي کوزدې اعلان وکړ.

ويني او مکسويل د ۲ کلونو راهيسي د يوبل سره اړيکي درلودې چي د مکسويل په غوښتنه د دواړو کوزده وسوه.


مکسويل چي د سويلي افريقا په وړاندي يو ورځنيو لوبو سکواډ کي يې نوم راغلی وو د څنګلي د ټپونو له کبله د سفر څخه پاته سو ځکه ټپ يې عملياتو ته اړتیا لري.

ويني رامان پرخپل انسټګرام اکاونټ ليکي:

“تيره ورځ زما د خوښي وړ شخص زما څخه غوښتنه وکړه چي زما سره واده وکه” #هو


ګلين مکسويل هم د ويني سره ګډ عکس سره د ګوتمۍ نښانه خپره کړې.

د کريکټ مشهورو څيرو مکسويل او ويني ته مبارکۍ ورکړي او د بختور ژوند هيلي يې ورته کړي.


ګلین مکسويل په ۲۰۱۹ز کال اکتوبر مياشت کي د ذهني نا ارمتيا له کبله استراحت سو چي وروسته د ۲۰۱۹ز کال ډسمبر مياشت کي د بیګباش ليګ د ميلبورن سټارز لوبډلي لوبډلمشر وو چي پايلوبه يې سيدني سيکسرز لوبډلي ته په ۱۹ منډو بايلوله.

په نهم پړاو بيګباش ليګ کي مکسويل ۳۹۸ منډي وکړې او تر مارکس سټونیس وروسته ترټولو ډيري منډي وې.

مکسويل د اسټراليا لپاره ۱۷۸ نړيوالي لوبي کړي پداسي حال کي چي راتلونکي شل اووريز نړيوال جام کي به هم د خپلي لوبډلي مهم غړی وي.

Advertisements

د لیکوال/ لیکوالې په اړه

مدثر دعوت

مدثر دعوت هلمند میشتی ژورنالیست دی. د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.

تبصره مو ولیکئ