سپورټ کرکټ وزش او تمرین

د کرکټ بورډ اجراییه رییس له دندې ګوښه شو

لیکنه: محمدصابر حمیدي

د افغانستان کرکټ بورډ رییس فرهان یوسفزی وايي، چې د بورډ اجرایه رییس پرون دوشنبه له دندې لرې شو.

فرهان یوسفزي د یوه لیک په خپرولو سره ویلې، چې  لطف الله ستانکزی د خرابي کارکردګۍ، مدیریتي بې غورۍ او له مدیرانو سره د بد سلوک له امله له دندې ګوښه شو.

فرهان یوسفزي یاد لیک کې ویلې، چې لطف الله ستانکزي ته تر دې مخکې شفاهي او تحریري اخطارونه هم ورکړل شوي وه.

ددې ترڅنګ په یاد لیک کې دا هم راغلي، چې د بورډ اجراییه ریاست ازاد رقابت له لاري اعلان ته ځي او له هغه وروسته به د کرکټ بورډ د بشري سرچینو د اصولو مطابق وړ کس ټاکل کیږي.

د لطف الله ستانکزي غبرګون

خو پخپله لطف الله ستانکزي له بي بي سي سره خبرو کې ویلي چې په دې اړه یې د کرېکټ بورډ له مشره کوم رسمي لیک نه دی ترلاسه کړی.‌

ښاغلی ستانکزی همدا راز استدلال کوي چې د کرېکټ بورډ رئیس له دندې د ده ګوښه کولو واک نلري، او دا کار د بورډ د غړو دنده ده.‌

لطف الله ستانکزی یو کال مخکې د ازاد رقابت له لاري د کرکټ بورډ اجراییه رییس ټاکل شوی وو.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ