ټولنیز ژوند ژوند بڼه

یوازیتوب د دخانیاتو په څېر ناوړه او خطرناکې پایلې لري!

ژباړه: نسیمه محمدي

مشرق نیوز د ډیلې مېل په حواله لیکي: “یوازیتوب د ژوند کلونه کموي او د دخانیاتو په کچه د روغتیا لپاره ګواښ پېښوي.”

د دې څېړنې څېړونکي ټینګار کوي چې په لوړ عمر کې د وګړو یوازیتوب نه یوازې د مخدره توکو په اندازه زیان لري، بلکې د چاغښت په کچه د روغتیا لپاره خطرناک او ګڼې ناروغۍ زېږولی شي.

پوهانو له دېرش تنو سره، چې عمرونه یې د ۶۷ او ۹۲ کلونو ترمنځ وو، خبرې وکړې او له ۸۵ سلنه څخه زیاتو یې وویل، چې نسبتا د یوازیتوب احساس کوي.

د څېړونکو په وینا یوازیتوب ستاسې عمر کموي او د سګریټ د استعمال او چاغوالي په اندازه ګواښوونکې ده.

له کالیفورنی پوهنتون څخه دلېپ جست، چې د دې څېړنې اصلي لیکوال دی، وویل: “یوازیتوب په عجیب ډول د وګړو په روغتیا منفي اغېز پرېږدي.”

دلېپ زیاته کړه: “اړینه ده چې له کورنۍ سره د زړو خلکو یوځای اوسېدو ته اقدام وکړو، هغوی د ځوان نسل نیا ګانې، باباګان، کورنۍ او دوستان دي.

وایي د امریکا د ۴۵ کلونو څخه ډېر عمر لرونکو نېژدې ۴۲،۶ سلنه یوازې دير، په داسې حال کې چې د امریکا یو پر څلورمه برخه وګړي هم یوازې ژوند کوي.

د ملي دفاترو شمېرنې ښايي، نېژدې پنځه سلنه انګلنډیان ډېری وخت د یوازیتوب احساس کوي.

د یوازیتوب احساس د ذهني ستونزې په توګه په پام کې نیول کېږي، خو د اوږد مهال لپاره د یوازیتوب احساس، جسمي ناروغۍ له ځانه سره لري.

یوازیتوب د کورتیزول (د استرس هورمون) سطحه لوړوي، چې د چاغوالي او انسولین په وړاندې مقاومت سبب او په پای کې د شکر ناروغۍ لامل ګرځي.

د یوازیتوب له امله د روغتیايي ستونزو، لکه د وینې لوړ فشار، د خوب ستونزې، ژور خفګان او د عقلي زوال ګواښ د رامنځته کېدو چانس زیاتېږي.

په دې څېړنه کې ځواب ویونکو څرګنده کړې، چې ایمان او معنویت له دې ستونزو سره په آسانۍ مقابله کولای شي.

سرچینه: مشرق نیوز

د لیکوال/ لیکوالې په اړه

نسیمه محمدي ، کابل کې د یاران د ټیم غړې

نسیمه محمدي، لېکواله، ژباړنه او د روغتیايي برخې محصله ده. نوموړې یاران ته په بیلابیلو مسالو په ځانګړې توګه روغتیا سره په تړلو موضوعګانو لیکنې، ژباړې او مطالب چمتو کوي. په یاران کې د نسیمې د خپرو شویو لیکنو د بیا خپراوي حق له یاران ادارې سره خوندي دی.

تبصره مو ولیکئ