لوګر کې د کوچيانو لاسنيوی؛ هر وري ته ۲۵ کیلو ګرامه خوراکي توکي ورکول کيږي

راپور: بشر درویش
افغان چارواکو ويلي چې په لوګر ولایت کې یې «د کوچیانو د وریو د مزي کولو» برنامه پیل کړې ده.
د کرنې، اوبولګولو او مالدارۍ وزارت له لورې په یوه خپره کړې خبرپاڼه کې ويلي؛ ددې وزارت اړوند د « CLAP » پروژه د «DCA» دفتر په تخنیکي همکاریو د لوګر په ولایت کې د کوچیانو د وریو د مزي کولو برنامه پیل کړی دی.

ټاکل شوې، چې ددې برنامې په لړ کې د لوګر ولایت په مرکز او ولسوالیو کې د ۱۰۵ کوچي کورنیو ۴۲۰ وري د ۵۰ ورځو لپاره د «مزي کولو» د برنامې تر چتر لاندې ونیول شي.
کرنې وزارت ويلي؛ ددې برنامې په ترڅ کې د وریو د څښتنانو په ۳۰ سلنې ونډې سره هر یوه وري ته ۲۵ کیلو ګرامه بیلانس شوي خوراکي توکي په پام کې نیول شوي دي.

ویل شوي؛ ددې برنامې پایله به تر ۵۰ ورځو وروسته د وریو څښتنانو ته څرګند شي.
د کرنې وزارت په خبرپاڼه کې ويل شوي؛ د یادې برنامې د پلي کېدو موخه د حیواني بیلانس شوي خوراکي توکو پېژندل او دغه راز په لږه موده کې د کورنیو څارویو د مزي کولو لارې چارې ښودل دي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




په هلمند کې تازه جګړو له ۹۰۰زیاتې کورنۍ بې کوره کړي

لیکوال: ياران، جلال اباد - برخه : افغانستان

لیکنه: ظریف الله ساحل د هلمند د کډوالو او راستنېدونکو چارو رئیس وايي’ له تېرې یکشنبې د تازه جګړو له کبله په سلګونو کورنۍ د هلمند بېلابېلو برخو ته کډه شوي دي. سید محمد رامین ... نور ولولئ