لينا علم د لومړي ځل لپاره په امريکايي سېنما کې رول ادا کړ

د افغان سېنما مشهورې اداکارې لينا علم د لومړي ځل لپاره د مجازي نړۍ له لارې په امريکايي تياتر کې رول ادا کړ.

پدې پروګرام کې چې د بدلون په نامه وو، لينا د يوې مور په حيث مرکزي رول اجرا کړی دی، چې د امريکايي ښځينه ډايرکټرې ريچل لاپل له لورې نوشته سوی او ډايريکټ سوی وو.

پدې ننداره کې په کرونايي حالت کې د يوې امريکايي کورنۍ اقتصادي ژوند څېړل سوی ،لينا پکښې د روزي په نامه د داسې امريکايي ښځې رول اجرا کړی چې هم ناروغه ده او هم بې دندې ده.

د بدلون په نامه ننداره کې شپږو کسانو مرکزي او ۷ کسانو فرعي رولونه اجرا کړيدي.


لينا علم دا ننداره د ځان لپاره يوه تجربه او ننګونه بللې،ددې په خبره هنري ډلې د ۲ مياشتو راهيسې د رول په تکرار او ډيالوګونو په زده کولو بوخت وو،چې په پايله کې يې ننداره په انلاين ډول بريالۍ ترسره کړه.

دا افغانه هنرمنده تردې وړاندې په ۲۰۱۸ز کې د المان په يوې سېنمايي ننداره کې مرکزي رول ادا کړ او دا يې دويم ځل دی چې په نړيوالو معتبرو سېنماوو کې بريالی رول ترسره کوي.

لينا علم ويلي چې وروستۍ ننداره يې ۱۱۵ دقيقې وه چې د خلکو له تود هرکلي او پراخ تشويق سره مخ سوېده.

لينا د ۵ بهرنيو ډايريکټرانو سره کار کړی،چې مسعود اطيابي له ايرانه، مکس واکر له اسټراليا څخه،شوستر د المان څخه او ريچل لاپل د امريکا څخه يادولای سو.

حسین حقاني: پاکستان دې نه خوشاله کېږي، له ستر خطر سره مخ دی

by هوسۍ لؤنګ in افغانستان

افغانستان کې وروستي تحولات پاکستان ته د خطر زنګ دی. په امریکا کې د پاکستان پخواني سفیر حسین حقاني په خپلو تازه څرګندونو کې ویلي چې پاکستاني طالبانو له افغان طالبانو په تقلید پراخ فعالیتونه ... نور ولولئ