بریا او پرمختګ ټولنیز ژوند ژوند بڼه

که د زړه له تله وغواړئ هرو مرو مو ژوند بدلولی شی

لیکنه: مریم شریفي

ژباړه مریم شریفي

که فکر کوی، چې بدل به نه شی او له دې حالته ځان نه شی ایستلی هغه ده چې په همدې حالت به پاتې وی. یوازې ځان ته و وایي، چې زه بدلون کولی شم او زما تکمال له همدې نن ورځې پیلېږي. یوازې د همدې کار په کولو سره کولی شی خپل باطني انسان ازاد کړی. زه داسې کسان پېژنم چې د خورا لوړې وړتیا درلودونکي دي. په خپل وجود کې ډېر څه لري، خو تر اوسه یې تکامل نه دی کړی او کمال ته نه دي رسېدلي. دوی منفي افکارو ته اجازه ورکړې ده چې تل یې په ذهن کې انګازې وکړي. ددې وخت را رسېدلی چې له پېلې (پوښ) څخه ځان را وباسی. کوم، کوم شی مو د چینجي په څېر په پوښ کې ساتي؟ هېڅ وخت به مې وزن کم نه شم کړای. شرکت به مې بریالی نه شي. زه یوه ښه مور نه یم. دا هغه افکار دی چې له کاروان مو وروسته پاتې کوي. تاسو باید پوه شی چې تاسو په خپل باطن کې یوه ښه مور لری، چې باید ازاده شي. که غواړي چې بدلون در پکې راشي باید ومنی چې: همدا اوس په ما کې یو ښه پلار او یوه عالي مور ده. زه باید خپل ذهن بیا ورغاوم او دغه باطني انسان ته ازادي ورکړم. کېدای شي تاسو خپله روږدي شوي یاست، خو په وجود کې مو یو ازاد او خپلواک انسان موجود دی. کېدای شي په مالي برخه کې له ستونزو سره مخ وی، کارو بارو مو سم پر مخ نه ځي، خو همدا اوس ستاسو په وجود کې یو داسې انسان شته چې هغه پور ورکوي، نه دا چې پور اخلي. که غواړی چې ذهن مو بیا ورغوی ځان له هغه څه سره همغږی کړئ چې خدای پاک ستاسو په اړه ویلي دي. که مو دغه څه پر ځان عملي کړل هغه ده چې د وجود د ننه انسان مو را ویښېږي او ظاهرېږي.

که تاسو هر وخت د بدلون لپاره مټې را بډ وهی خدای پاک مو مرسته کوي تر څو کمال ته ورسېږی. که تاسو حرکت وکړی خدای پاک مو په کار کې برکت اچوي. همدا نن پاڅئ او  ځان ته و وایاست کمال ته د رسېدو خت را رسېدلی دی. خدای بښونکی دی، خدای به مې وبښي. پوهېږم چې خپلواک، نوښتګر، د وړتیا څښتن او منظم به شم. زه ددې هر څه وړتیا لرم.

خبره یوازې دا نه ده چې مثبت اوسی بلکې ترڅنګ یې پر خپل ذهن باندې هم کار وکړئ. کله مو چې دا کار وکړ، وبه ګوری چې وزرونه مو  غوړېږي. وبه وینۍ چې پښې مو له پوښه راوځي. په ډېر لږ  وخت کې به کاملا د منفي افکارو له جاله را ووځی. تاسو به د یوه ښکلي شاه پرک په څېر د الوت لپاره تیار شی او داسې ځایونو ته به ځان ورسوئ چې ان خوب مو یې هم نه و لیدلی.

 

 

د لیکوال/ لیکوالې په اړه

مریم شریفي