Advertisements
خوندیتوب روغه سټه ژوند بڼه طبیعت

د لمر وړانګې د وینې فشار ټیټوي

  • ژباړه: نسیمه محمدي

د لمر د وړانګو پر وړاندې د وخت تېرول د وینې فشار له ټيټېدلو سره اړیکه لري.

په یوې نوې څېړنې کې چې ۳۴۲ زره ناروغان د دوو کالو لپاره وڅېړل شول، د وګړو د وینې فشار د بهرنۍ هوا او ماوراء بنفش وړانګو (UV) په وړاندې اوسېدل د سېستولیک (د فشار ویلو پر وخت لومړی عدد) د تودوخې پرته مربوط دی.

د سکاټلند د ادینبرګ پوهنتون د څېړونکې ډلې سرپرست، ریچارد ولر، په دې اړه وویل: “پوهېږو چې د موسم بدلېدل د وینې په فشار تاثیر لري او د بدلون لامل کېږي او د زیاتې تودوخې او وېټامین D فکټورونه یې د لمر وړانګو سره مرتبط وبلل.”

نوموړي وړاندې وویل: “مګر د فشار په ټيټدلو د وېټامین D اغېز په اړه څېړنې په پرله‌پسې ډول نابریالۍ وې. اوس زمونږ موندنې څرګندوي، تودوخه هم په فشار اغېز ښندي، خو یوازې د (UV) وړانګو دلیل دی، چې د وینې فشار د موسم په بدلېدلو سره تغیر مومي.”

د څېړونکو په باور د لمر وړانګو تاتیر په تور پوستو کې د سپین پوستو په پرتله ډېر زیات دی.

خو څېړونکي تاکید کوي د لمر وړانګو سره تر مخامخ کېدو وړاندې د لمر ضد کریم وکاروئ، ځکه د (UV) وړانګې د پوستکي سرطان په ناروغۍ کې ونډه لري.

د آمریکا د درماتولوژۍ ادارې د اعلان سره سم، د ورځې د ۱۰ بیا د غرمې تر ۱۲ بجو پورې د لمر له مستقیمو وړانګو ځان وساتئ او حتماً د لمر ضد SPE 30 یا له دې لوړو فیصدي ګټه واخلئ.

Advertisements

د لیکوال/ لیکوالې په اړه

نسیمه محمدي ، کابل کې د یاران د ټیم غړې

نسیمه محمدي، لېکواله، ژباړنه او د روغتیايي برخې محصله ده. نوموړې یاران ته په بیلابیلو مسالو په ځانګړې توګه روغتیا سره په تړلو موضوعګانو لیکنې، ژباړې او مطالب چمتو کوي. په یاران کې د نسیمې د خپرو شویو لیکنو د بیا خپراوي حق له یاران ادارې سره خوندي دی.

تبصره مو ولیکئ

%d bloggers like this: