لتا منګېشکر: د هندوستان بلبله ۹۱ کلنه سوه

خبريال: مدثر دعوت
لتا منګېشکر چې په افغانستان کې يې اکثريت خلک پېژني نن يې کليزه ده.
لتا يوازې يو نوم ندی بلکې د موسيقۍ يو مکتب دی،او د هنر په نړۍ کې ځانګړی ځای لري،جادوګر او خوږ ږغ يې په لسګونه کلونه پر هندي موسيقۍ باچاهي وکړه.

لتا چې کله وزېږېدله د هيما نوم ورته انتخاب سو خو څو کلونو وروسته يې نوم په لتا بدل کړ.
دا په ۱۹۲۹ز کې د سپټمبر په ۲۸مه د برطانوي هند په انډور ايالت کې وزېږدله.

لتا ۱۳ کلنه وه چې سندري ويل يې پيل کړه ،چې د ۷ لسېزو په جريان کې يې تر ۱۰۰۰ ډېرو فلمونو لپاره سندري ويلي.
دې په ۳۶ بيلابيلو ژبو تر ۳۵۰۰۰ ډېرې سندري ويلي ،همدارنګه په ۱۰ فلمونو کې يې هم بيلابېل رولونه اجرا کړيدي.

د لتا منګېشکر د مسلک سفر خورا د برياوو ډک وو چې په نړيواله کچه يې په ميليونونو مينوال درلودل.
دې ته د موسيقۍ ملکه،د ملت ږغ، وايس اف ملينيوم او د هندوستان د بلبلې لقبونه ورکړل سوي دي.

د لسګونو ايوارډونو ترڅنګ يې د فلمفير بهارت راتنا،دادا صاحب، او درې ملي ايوارډونه او اعزازونه ګټلي دي.

د لتا منګېشکر کشره خور اشا بوسلې هم ددې سره په يوه لسيزه کې سندرې ويل پيل کړي،هغه هم د نړيوال شهرت څخه برخمنه ده او خوږ ږغ لري.

Be the first to comment

Leave a Reply

Your email address will not be published.