سپورټ کرکټ

د پنجاب بريا،او مخکښو لوبډلو ته يې خبرداری

لیکنه: مدثر دعوت

خبريال: مدثر دعوت

پنجاب لوبډلې ډهلي کاپيټالز ته په ۵ ويکټو ماته ورکړه.

د ای پي ايل په ۳۸مه لوبه کې ډهلي د لوبې پچه وګټله او پنجاب ته يې د توپ اچوونې بلنه ورکړه.

د ډهلي لپاره شيکر داون سليزه ووهله او ورپسې شرياس اير ۱۴ منډې وکړې،په ۵ ويکټو يې ۱۶۵ منډې هدف وټاکی.

د پنجاب لپاره محمدشمې ۲، نيشم،مورګن اشوين او مکسويل يوه يوه ويکټه ترلاسه کړه.

د ۱۶۵ منډو هدف پنجاب لوبډلې د پوران ۵۳، مکسويل ۳۲، او کريس ګېل په ۲۹ منډو سره پوره کړ.

د ډهلي لپاره ربادا ۲، اشوين او پټېل يوه يوه ويکټه واخيسته.

د لوبې غوره لوبغاړې جائزه شيکر داون ته ورکړل سوه.

ډهلي،ممبی،بنګلور او کلکته په يو بل پسې د جدول په سر کې قرار لري.

پنجاب خپلې درې وروستۍ لوبې ګټلي، او هغه درې واړه لوبو کې يې تر ټولو قوي لوبډلو، بنګلور ،ممبی او ډهلي ته ماتې ورکړي.

که پنجاب همداسې روانه وي او خپلي راتلونکې درې لوبې د حيدر اباد ، کلکتې، او راجستان څخه وګټي نو ټاپ څلورو ټېمونو ته ځي او دويم پړاو به لوبوي،چې دا وخت بيا د کلکتې ياهم بنګلور چانس تر پنجاب کمېږي.

سبا ماښام شپږ نيمي بجې د کلکتې او بنګلور لوبه ده.

د لیکوال/ لیکوالې په اړه

مدثر دعوت

مدثر دعوت هلمند میشتی ليکوال ژورنالیست دی, د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.

تبصره مو ولیکئ