Advertisements
روغه سټه ژوند بڼه کرونا کورنی ژوند

له مور څخه ماشوم ته د کرونا انتقال

  • ژباړه: صدیقه پوپلزۍ

په ډېر احتمال سره کرونا له مور څخه ماشوم ته نه لېږدول کېږي، ځکه کرونا وایروس تنفسي دستګاه زیانموي. دا ویروس اوس مهال ډېر تنفسي دی، نو پر دې اساس کله چې مور د کرونا په وایروس اخته وي، کولای شي د تنفس له لارې، ټوخی یا د پرنجي سره ماشوم ته ولېږدول شي، خو کله چې ماشوم د مور په خېټه کې وي په ډېر احتمال سره نه لېږدول کېږي، خو کومې میندې چې په کرونا ناروغي اخته وي کېدای شي، د ډېرې تبې له یې امله ماشوم لمنځه لاړ شي.

څېړونکي وایي: “هغه میندې چې په کرونا ناروغۍ اخته کېږي، نو د ماشوم د زېږېدلو پر وخت ماشوم ته دا وایروس نه لېږدول کېږي، خو کله چې ماشوم ته شیدې ورکوي د هغه لپاره دقیقې څېړنې نه دي شوې چې د شیدو له لارې لېږدول کېږي که نه.
ځینې سپارښتنې دي چې میندې باید خپل ځان او ماشوم ته پام وکړي:

څېړونکې وایي: “امیدوارې میندې ته باید سمې مشورې ورکول شي، چې هم دوی خپله او هم ماشوم یې تقویه شي، چې د دې ناروغۍ پر وړاندې یې ځواک  ډېر شي، سربېره پر دې چې سم ویټامین‌لرونکي شیان وخوري، باید له خپګان او سترس څخه هم لیرې اوسي، ځکه هغومره چې دا ناروغي خطرناکه ده، تر هغه تشویش یې ډېر دی، نو ځکه باید ډېر پام مو وي، ځکه دا هم د حامله ښځو په رواني حالت بده پایله درلودای شي.

په منظمه توګه باید معاینه شي او د ساتونکې جامو څخه باید ګټه واخیستل شي.

هغه میندې چې نوی ماشوم یې پیدا شوی وي او کرونا وایروس ولري یا هم مشکوکه وي، نو باید په ځانګړې برخه کې د ۱۴ ورځو لپاره قرنټین شي.

په داسې مواردو او وخت کې ماشوم باید د مور شیدې ونه خوري. تر څو چې میندې یې په دې وایروس مشکوکې وي، نو ماشوم باید له موره لرې وي او په اړیکه کې ونه اوسي.
کله چې ماشوم پیدا شي او د کرونا ویروس نښې وروسته پکې ښکاره شي، نو دا ډېره د خپګان خبره نه ده، ځکه ماشومان داسې زر لمنځه نه شي وړلای.

Advertisements

د لیکوال/ لیکوالې په اړه

صدیقه پوپلزۍ، کابل کې د یاران د ټیم غړې

صدیقه پوپلزۍ د یاران د کاري ټیم غړې ده چې په بیلابیلو ټولنیزو کلتوري او ادبي مسالو د یاران لپاره لیکنې او مطالب چمتو کوي.

تبصره مو ولیکئ

%d bloggers like this: