ټولنیز ژوند خوندیتوب روغه سټه ژوند بڼه کرونا

د روغتیا نړیوال سازمان پر کورونا وایروس د دېګزامیتازون اغېز تایید کړ

ژباړه: نسیمه محمدي

د روغتیا نړیوال سازمان اعلان کړه، چې آزمایښتونو ښودلې، دېګزامیتازون کولای شي، په کورونا وایروس (کوویډ- ۱۹) اخته ناروغان ورغوي.

د راپورونو پر اساس، د روغتیا نړیوال سازمان وايي دا کورتیکواستروئید درمل (دېګزامیتازون) کولای شي د کوويډ- ۱۹ ناروغۍ بستر شوي ناروغانو په شمېر کې چې مصنوعي تنفس ته اړتیا لري، کموالی راولي.

images.jpg

دغه سازمان له کورتیکواستروئید درملو څخه سیسټماټيکه کارونه د شدیدو ناروغانو لپاره توصیه کړې. په ورته وخت کې، د روغتیا نړیوال سازمان څرګنده کړې، چې دا طریقه د کوويډ- ۱۹ خفیفو ناروغانو لپاره مناسبه نه ده.

دا آزمایښتونه د روان کال د مارچ میاشتې راهیسې د برېټانیا په روغتونو کې ترسره شوي، چې ۱۱ زره او ۵۰۰ ناروغانو په کې برخه اخلي. څېړونکي د هغوی په مرستې څرګندوي، چې د کورونا وایروس بېلابېلې لارې چارې تر کوم حد، ګټورې دي.

D1961.jpg

د ډېګزامیتازون په نامه استروئیدي درملو سربېره، ناروغانو ته انټي بیوټيک لکه ازیترومایسین، د وایروس د له منځه وړلو او د دفاعي سیسټم د پیاوړتیا لپاره توسیلیزوماب او د ملاریا ضد درمل، هایدروکسي کلوروکین، هم ورکول کېږي.

یادونه: پورته ذکر شوي درمل باید د ناروغۍ شدت ته په کتو او د روغتیاپال په مشوره مصرف شي.

_112951968_f37c9cd2-8b71-4628-b509-ab5e1f9367c2.jpg

د لیکوال/ لیکوالې په اړه

نسیمه محمدي ، کابل

نسیمه محمدي، لېکواله، ژباړنه او د روغتیايي برخې محصله ده. نوموړې یاران ته په بیلابیلو مسالو په ځانګړې توګه روغتیا سره په تړلو موضوعګانو لیکنې، ژباړې او مطالب چمتو کوي. په یاران کې د نسیمې د خپرو شویو لیکنو د بیا خپراوي حق له یاران ادارې سره خوندي دی.

تبصره مو ولیکئ