مارچ 9, 2021

کرېس ګېل ته د کرکټ نړۍ احترام

Advertisements

کرېس ګېل چې په ۱۹۷۹ کې په ویسټ انډیز کې زېږېدلی، شل کاله کېږي، چې په کرکټ کې بوخت دی.
نوموړی له هغو لوبغاړو څخه دی، چې د کرکټ نړۍ ته یې ډېره ښکلا او ویاړ ور بښلی دی.
کرېس ګېل د کرکټ نړۍ کې په یونیورسل باس، د شپږیزو پاچا او خطرناک توپوهونکي په توګه پېژندل شوی او لا هم پېژندل کېږي.
۴۱ کلن کرېسټوفر هینري ګېل د ویسټ انډیز لوبډلې سربېره د نړۍ په مختلفو لیګونو کې لوبېږي او خورا شانداره لوبه کوي.
اوسمهال هم کرېس ګېل ته ډېر خلک په احترام قایل دي او ځانګړی درناوی یې کوي.
مبصر ډېني مورېسن وایي
ډېني مورېسن چې تېره شپه د اکټوبر په ۳۰ مه نېټه یې په اي پي اېل کې لوبه کوله، نو د شپږیزې وهلو پرمهال د ډېني مورېسن له خورا توصیف سره مخ شوه.
هغه وویل ګېل ته لا هم احترام پکار دی او دا د کرکټ ستوری، د کرکټ پوره وړتیا لري.
په ۹۹ منډو د ګېل بولډ اوټ او جوفرا ارچر احترام
کرېس ګېل چې د پنجاب لوبډلې لپاره ون ډاون یا په درېیم نمبر توپوهنې ته راغلی و، د راجستان پر وړاندې توپوهنه کې یې خورا ښه توپ وهنه وکړه.
کرېس ګېل د ۸ شپږیزو او ۶ څلوریزو په مرسته په ۶۳ توپونو ۹۹ منډې وکړې.
دا مهال د وروستي اوور درېیم توپ و او د کرېس ګېل سلیزې ته یوه منډه پاتې وه او جوفرا ارچر توپ اچونه کوله.
کرېس ګېل د وروستي اوور تر دویم توپ ۹۳ منډې کړې وې، د جوفرا ارچر دویم توپ یې د شپږیزې لپاره واړاوه.
۹۹ منډو کې دریم توپ ته کرېس ګېل ولاړ و، چې جوفرا ارچر یو خطرناک توپ وکړ، د کرېس ګې په پېډ او وروسته په وېکټ ولګېد، د ګېل د سلیزې ارمان پاتې شو.
دا مهال ګېل د غوسې له امله بېټ ګوزار کړ.
خو جوفرا ارچر لاس ورکړ او هغه یې تشویق کړ.
اوس ارچر په خپله ټوېټر پاڼه لیکلي، چې ګېل مشر دی او احترام یې پکار دی.
کرېس ګېل د اخلاقو څخه برخمن لوبغاړی دی، تر اوسه یې په لوبغالي کې له چا سره جدل او جګړه نه ده راغلې.
د نیراج په نامه یو هندي کرکټ مینوال ویلي، چې د کرېس ګېل او ارچر لاس ورکول د هغوی د مینې څرګندونه کوي.
ایس کی په نامه یو کرکټ مینوال په ۹۹ منډو د کرېس ګېل په اوټېدو د ژړا ایموجي یا کارتون خپور کړی او له هغه سره یې د ډېرې مینې له امله د هغه په اوټ خفګان ښوولی دی.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




فرهان یوسفزی: که ملي لوبغاړي ښه وځلیږي، معنوي او مادي مرستې ورسره کوم

لیکوال: محمد صابر حمیدي ، کندهار - برخه : سپورټ

Advertisements لیکنه: محمدصابر حمیدي   د افغانستان د کرکټ بورډ له لورې په خپره شوې اعلامیه کې راغلې، چې د کرکټ بورډ عمومي رئيس فرهان یوسفزي پرون ماښام د افغانستان ملي لوبډلې لوبغاړو سره چې ... نور ولولئ