اپریل 12, 2021

پخوانی هندي توپوهونکی: روهېټ شرما تر ویرات کولي غوره دی

Advertisements

د هندوستان پخواني لوبغاړي او توپوهونکي، وي وي لکسمن ویلي، چې روهېټ شرما په یو ورځنیو لوبو کې تر ویرات کولي غوره لوبډلمشر دی.
نوموړي ویلي چې روهېټ شرما په ۲۰۲۰ آی پي اېل کې د ممبيي لوبډلې په غوره رهبرۍ سره خپل جوهر څرګند کړ.
لکسمن وایي دا چې روهېټ شرما اوس د ویرات کولي مرستیال دی او کولي په نشتون کې لوبډله رهبري کوي، ښه پرېکړه ده، خو روهېټ شرما په یو ورځنیو لوبو کې د لوبډلمشرۍ حېرانوونکې وړتیاوې لري.

روهېټ شرما او لوبډلمشري

شرما د هندوستان اوپنر توپوهونکی دی نوموړي په ۲۰۱۸ کال اسیا جام کې چې پنځوس اوریز ترسره شو، روهېټ شرما د ویرات کولي په نشتون کې د هندوستان لوبډله مثبته رهبري کړه.
هغه د هندوستان لوبډله تر اتلولۍ ورسوله او د جام یې د هندوستان ملت ته ورډالۍ کړ.
شرما چې ۳۳ کاله عمر لري، په ۲۰۰۷ کې یې د هندوستان لپاره یو ورځنۍ لوبې پیل کړي دي، ده ټولې ۲۲۴ لوبې کړي او په دې لوبو کې یې ۹ زره ۱۱۵ منډې کړي، چې یوه لوبه کې یې لوړې منډې ۲۶۴ دي.
۲۹ یې سلیزې، ۴۳ یې پنځوسیزې وهلي او درې ځلې یې غبرګې سلیزې جوړې کړي دي.
بل پلو ویرات کولي ۳۲ کاله عمر لري او ۲۵۱ یو ورځنۍ لوبې یې کړي دي.
ده په دغو لوبو کې ۱۲ زره او ۴۰ منډې کړي دي، چې یوه لوبه کې یې لوړې منډې ۱۸۳ دي، غبرګه سلیزه نه لري، ۴۳ سلیزې او ۶۰ یې پنځوسیزې وهلي دي.
ویرات کولي په نړیوال جام کې هغه لوبډلمشرۍ کې لوبډله بریالۍ نشوه کړای، چې لوبډله تر پایلوبې ورسوي او په نیمه پایلوبه کې یې له نیوزیلېنډ څخه ماته وخوړه او د هندوستان لوبډله له سیالیو بهرشوه.
په نړیوال پنځوس اوریز جام   کې روهېټ شرما یواځینی توپوهونکی و، چې زیاتې منډې یې کړې وې.

د انګلستان پخواني لوبډلمشر، هارډېک پانډیا د هندوستان راتلونکی ستوری بللی دی

د انګلستان پخوانی لوبډلمشر مېچل وافن وایي، له ډوني او ویرات کولي وروسته به د هندوستان لپاره هارډېک پانډیا ستر کرکټ ستوری وي.
هغه دا څرګندونې وروسته له  هغې کړي، چې پانډیا په یو ورځنیو او دوو شل اوریزو لوبو کې د اسټرالیا پر وړاندې خپل لوبییز ځواک جوت کړ.
په دویمه شل اوریزه لوبه کې یې په ۲۲ توپونو ۴۲ ناسوځېدلې منډې وکړې او وروستي اوور کې یې له ډانېشل سېمز څخه ۱۳ منډې واخیستې او د دوه شل اوریزو لوبو په ګټلو سره یې سیریز په خپل نوم کړ.
 
 

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




ملي امنیت شورا: له حمل میاشتې وروسته به د یوې کیلۍ موټر نه ګرځول کېږي

لیکوال: عاقله اسد - برخه : افغانستان

Advertisements د افغانستان ملي امنیت شورا د پرېکړې له مخې د حمل له میاشتې وروسته د يوې کيلۍ موټرو ګرځولو ته اجازه نه ورکول کېږي. د ملي امنیت شورا له لوري په خپره شوې اعلامیه ... نور ولولئ