پوهنه ټولنیز ژوند ځوانان او زده کړې ژوند بڼه کلتور او هنر

هغه جومات چې اتوم بم هم وران نه شو کړای

لیکنه: حمیدالله حمیدي

د کوبه جومات په جاپان کې لومړنی جومات دی، چې د (کوبه) په ښار کې موقعیت لري. دغه جومات په ۱۹۲۸م کال کې د کوبه ښار په (اکایاماته دوري، چو- کو) سیمه کې جوړ شوی، چې لګښت یې یو شمېر اسلامي هېوادونو پرې کړی دی.

د کوبه جومات په هندي سنتي سبک د (یان یوزف اشواګرا) معمار پر لاس ودان شوی دی.

د جاپان پر دوو ښارونو (ناګازاکي) او (هیروشیما) د امریکا تر اتومي برید وروسته د کوبه ښار هم زیان ولید او ډېری برخې یې ورانې شوې.

د کوبه جومات شاوخوا سیمې له خاورو سره خاورې شوې، خو د جومات دېوالونو یوازې درزونه وکړل او ښیښې یې ماتې شوې.

د بمبارۍ له کبله د جومات بېروني دېوالونه لوګیو تور کړل. هغه جاپاني عسکر، چې د کوبه جومات په تلخونه کې یې پناه اخیستې وه ژوندي پاتې شول، ان دا چې جومات د مسلمانانو او کافرو دواړو لپاره د امن پر ځای بدل شوی و.

د جنګ له پای ته رسېدو وروسته یو شمېراسلامي هېوادونه سره جرګه شول او د جومات د بیارغولو لګښت یې پر غاړه واخیست. دغه جومات له یوې بلې پېښې هم روغ وتلی. په ۱۹۹۵م کې په جاپان کې د شلو ثانیو په اندازه زلزله وشوه، چې لږ تر لږه ۶۴۳۳ تنه جاپانیان یې مړه کړل او د ښارونو ډېری برخه ونړېدې، خو د کوبه جومات هماغسې پر خپل ځای روغ پاتې شو.

Advertisements

د لیکوال/ لیکوالې په اړه

حمیدالله حمیدي

حمیدالله حمیدي په 1388 کال کې په کابل کې د افغانستان تخنیکي او مسلکي زدکړو په انستیتیوت (ATVI) کې د کمپیوټر ساینس ډېپارټمنټ څخه فارغ شوی. له ۲۰۱۱ م کال راهېسې سپوږمۍ راډیو سره دنده پیل کړې.
له سپوږمۍ راډیو سره د کار کولو پر مهال یې د پښتو ادبیاتو د شپې پوهنځی لوستی او په ۱۳۹۶ کال کې د کابل د ښوونې او روزنې پوهنتون د پښتو ادبیاتو له څانګې فارغ شوی. حمیدي پر سپوږمۍ راډیو سربیره له نورو رسنیو سره هم همکاري کوي. په دې لړ کې له څه مودې راهېسې د یاران لپاره هم لیکنې چمتو کوي. په یاران کې د ښاغلي حمیدي د خپرو شویو لیکنو د بیا خپراوي حق د یاران له ادارې سره خوندي دی.

تبصره مو ولیکئ