سیاست له نړۍ

کیم جون اون محمود عباس ته؛ ستاسې مبارزه مشروع او کوریا مو ملاتړې ده

راپور: نسیمه محمدي

د فلسطین رسمي سرچېنې خبر ورکړ، چې د فلسطین مشر د شمالي کوریا د ولسمشر له لوري د مبارکۍ پیغام تر لاسه کړی دی.

د فارس د راپور له مخې، کیم جون اون، د شمالي کوریا د خلق دېموکراټیک مشر، د فلسطین رهبر ته په یوه پیغام کې، د فلسیطني وګړو پر ملاتړ ټینګار کړی دی.

د فلسطین رسمي سرچینې «وفا»، په دې اړه راپور ورکړی دی، چې محمود عباس د خپلواکۍ د کاليزې په مناسبت، د کیم جون اون له لوري پیغام ترلاسه کړی دی.

د دغه راپور پر اساس، په پیغام کې لیکل شوي:

“د بهرنیو قدرتونو څخه د خپل مشروع حقونو په خاطر، د غضب شویو ځمکو د بېرته راستنولو لپاره ستاسې مبارزه، یوه عادلانه مبارزه ده. د کوریا خلک به د تېر په څېر په مېړانه د فلسطین د خلکو تر څنګ وي.”

دا راپور په داسې حال کې ورکول کېږي، چې د فلسطین رسمي سرچېنو تېره میاشت خبر ورکړی وو، محمود عباس د شمالي کوریا د جوړېدلو د ورځې په مناسبت، د کوریا د رهبر ته د مبارکۍ ترڅنګ د فلسطین او خلکو څخه یې د دوی د ملاتړ او موقف څخه مننه کړې وه.

 

د لیکوال/ لیکوالې په اړه

نسیمه محمدي ، کابل

نسیمه محمدي، لېکواله، ژباړنه او د روغتیايي برخې محصله ده. نوموړې یاران ته په بیلابیلو مسالو په ځانګړې توګه روغتیا سره په تړلو موضوعګانو لیکنې، ژباړې او مطالب چمتو کوي. په یاران کې د نسیمې د خپرو شویو لیکنو د بیا خپراوي حق له یاران ادارې سره خوندي دی.

تبصره مو ولیکئ