ټولنیز ژوند خوندیتوب روغه سټه ژوند بڼه

د خوب ګولۍ د هالنډي سړي لپاره معجزه شوه

لیکنه: مهر تاج

یو هالنډی تبعه، چې له تېرو اتو کالو راهیسې د غږېدو، خوړلو یا ګرځېدلو توان څخه محروم و، د «ایمبیین» په نامه د خوب ګولیو کارولو څخه یوازې ۲۰ دقیقې وروسته په هوښ راغلو.

له «امسټرډیم» څخه ۳۹ کلن هالنډی شخص، چې د سر ټپي کېدلو له امله یې مغزو ضربه لیدلې وه، د طبي مجلې «کارټیکس» کارپوهانو لخوا په «ریچارډ» نومول شوی دی.

«ریچارډ» د ۲۹ کلنۍ په عمر کې د غوښې خوړلو وروسته د یوې ځانګړې ذهني ناروغۍ (ایکینیټک میوټزم) سره مخ شو، چې د «ریچارډ» دماغو ته یې اکسیجن نه رساوه او هغه یې د لومړنيو وړتیاو (ځواک) څخه بې برخې کړی و.

د سینټرک (ایکینیټک میوټزم) ناروغۍ یو څوک په فزیکي توګه نه فلجوي، بلکې دا د مغز فعالیت زیانمنوي (د کوم په ذریعه چې انسان د خوراک، څښاک او حرکت کولو وړتیا ترلاسه کوي) انتهایي ضعیفه کوي.

که څه هم، څېړونکي اوس پر دې باور دي، چې د خوب ګولۍ «ایمبین» کارول به له دې ناروغۍ ناروغانو سره مرسته وکړي.

د ریچارډ درملنه کوونکو طبي کارپوهانو په حواله، د ناروغۍ د تشخیص وروسته، ریچارډ یوازې د سترګو په اشارو پوښتنو ته ځواب ویلو، که څه هم ناروغ ته خواړه د ټیوب له لارې چمتو کیده.

د ۸ کلونو راهیسې په مختلفو طریقو د پرله‌پسې درملنې پاتې (بې ګټې) کېدو وروسته، ډاکټران دې نتیجې ته ورسېده، چې ناروغ یې کورنۍ ته وسپارل شي او د زولپیډم (zolpidem) چې په ټوله نړۍ کې د کوما ناروغانو ته د وروستۍ آپشن په توګه ورکول کېږي ورکولو پرېکړه وکړه.

ـ د درملو اخیستو (کارولو) څخه یوازې ۲۰دقیقې وروسته، ریچارډ د پاملرنې کارمندانو په مرسته وکولی شو خپل پلار ته زنګ ووهي ، چې د خپل زوی غږ یې ډېر کلونه وړاندې اورېدلی و.

په هوښ کېدو سره سم ریچارډ له نرسې ​​څخه وپوښتل، چې هغه ویلچر څنګه وچلولی شي؟ ریچارډ له نرسې ​​څخه د خواړو او پلار ته د زنګ وهلو غوښتنه هم وکړه.

طبي ماهرین وايي، چې ریچارډ ته به په ورځ کې یو ځل د خوب درمل ورکول کېږي، چې هغه د ورځې دوه ساعته فعال وساتي ، خو که چیرې دا درمل ریچارډ ته ۵ ورځې همداسې دوامدار ورکړل شي ، نو اغیز به یې زر له منځه لاړ شي، ځکه چې د ناروغ بدن به له دې درملو سره عادي شي.

له همدې امله، هالنډي کارپوهان لاهم د دې درملو اوږدمهاله اغیزې څېړي.

د لیکوال/ لیکوالې په اړه

مهر تاج

تبصره مو ولیکئ