سپورټ وزش او تمرین

حبیب؛ له ماتې خوړولو پرته یې له نړیوالو سیالیو سره مخه ښه وکړه + ویډیو

لیکنه: محمدصابر حمیدي

په ۷۰ کیلو ګرام وزن کې د ازادي مبارزې نړیوال اتل حبیب نورمحمدوف تېره شپه ناوخته د امریکايي سیال جاستین ګیجي په وړاندې ولوبېد، چې د لوبې په دویم پړاو کې یې خپل سیال ته ماته ورکړه.

دا لوبه په ابوظبۍ کې ترسره شوه.

د حبیب او جاستین لوبه

حبیب تر بریا وروسته

تر بریا وروسته په خپل وزن کې د نړۍ اتل مسلمان روسی لوبغاړی حبیب نورمحمدوف په سجده پرېوت او په چیغو چیغو یې وژړل.

هغه په خپلو خبرو کې وویل، چې په خپل ژوند کې له پلاره پرته یې لومړنۍ بریا وه.

حبیب زیاته کړه:

«تر لوبې درې ورځې مخکې مي مور راته ویل له پلاره پرته لوبه مه کوه، خو ما ورته ژمنه ورکړه، چې دا لوبه به مي وروستۍ لوبه وي.»

د حبیب پلار څه موده وړاندې د کورونا ویروس له امله ومړ. پلار یې د هغه روزونکی او مشوره ورکونکی وو.

له ازادي مبارزې سره د حبیب خدای پاماني

د حبیب نورمحمدوف پرونۍ لوبه ۲۹مه لوبه وه، چې پکې په ټولو لوبو کې یې بریا خپله کړه.

هغه تر یادې لوبې وروسته له ازادو سیالیو سره د مخې ښې اعلان وکړ.

حبیب وروسته له هغه په زیاته اندازه مشهوره شو، چې دوه کلونه مخکې یې بل سخت ایرلینډي سیال مک‌کرګور ته سخته ماته ورکړه.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی د کندهار پوهنتون د ښووني او روزنې پوهنځی د پښتو څانګې څخه فارغ شوی. په کندهار کې د ” زما“ راډیو سره په خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ