کار و بار؛ یو انساني فعالیت دی چې شتمنۍ آماده کوي

لیکنه او راټولونه: صدیقه پوپلزۍ

کار و بار ټولو هغو کارونو ته وايي چې د اجناسو او خدماتو په تولید او توزیع پورې اړه ولري.
بل ټول هغه فعالیتونه چې هدف یې د توکو او اجناسو په وسیله د ګټې لاسته راوړل وي، کاروبار بلل کېږي. ټول هغه تولیدي فعالیتونه، چې د هغې موخه د اجناسو او خدماتو په وجه د مفادو حاصلول وي، کاروبار بلل کېږي.
ټول هغه فعالیتونه او هڅې چې د شتمنۍ د پیدا کولو لپاره ترسره کېږي کار و بار بلل کېږي.
ټول هغه فعالیتونه چې بشري ټولنه د هغې په وسیله د ژوند اړتیاوې رفع کوي کاروبار بلل کېږي.
کار و بار هغه کړنو او فعالیتونو ته ویل کېږي چې موخه یې د ګټې لاسته راوړل وي، خو ګټه یې له مخکې ځانګړې شوي نه وي.
د نړۍ مشهور اقتصادپوهانو هم د کار و بار لپاره بېلابېل تعریفونه ویلي، چې ځینې یې دلته وایو:
L- H Haney له نظره: کار و بار له انساني فعالیتونو څخه عبارت دی چې د شتمني د اماده کولو لپاره د اخیستلو او خرڅلاو په ذریعې سره ترسره کېږي.
Urwick او Hunt له نظره: کار و بار له هغو فعالیتونو څخه عبارت دی چې اجناس او خدمات کوم چې د ټولنې غړي ورته ضرورت لري جوړوي او توزیع کوي او د ټولنې غړي د هغه اجناسو خواهش، اخیستلو او د هغه په مقابل کې د قېمت د تادیه کولو توانایي لري.
R.N.Owen له نظره: کار و بار د ټولو هغه تجارتي او صنعتي فعالیتونو څخه عبارت دی کوم چې د ګټې ترلاسه کولو لپاره خلکو ته اجناس او خدمات تهیه کوي. په عمومي ډول ویلی شو چې د مفادو د لاسته راوړلو لپاره هر ډول فعالیت اختیارول کاروبار بلل کېږي.
خو دا خبرې باید په یاد ولرو چې کار و بار کې د انسان یوازې هغه فعالیتونه شاملېږي چې د اخلاقي او قانوني غوښتنو سره سمون ولري. همدارنګه د ممنوع اجناسو کاروبار، لکه قاچاق د اجناسو ذخیره کول او داسې نور په کاروبار کې نه شاملېږي او په ټولنیز ډول سره کار و بار د ځینې موخو د ترلاسه کولو لپاره ترسره کېږي.
ګټه: ټول کار و بارونه چې ترسره کېږي د هغوی لومړنۍ او اساسي موخه د مفادو ترلاسه کول دي، کوم کاروبار کې چې ګټه نه وي هغه څوک نه ترسره کوي ګټه ده چې د فعالیتونو د پراختیا د تشویق سبب ګرځي او بشري ټولنه کار و بار ته هڅوي.
د کار پیدا کول او د بېکاري مخنیوی: د کاروبار دویمه اساسي موخه د کار لپاره زمینه برابرول او د بېکاري مخنیوی کول دي، ځکه د کاروبار پیل کولو سره نه یوازې سرمایه دار یا د کاروبار څښتن ته کار پیدا کېږي، بلکې له دې څخه نورو خلکو ته هم د کار موقع برابرېږي.
د پانګې اچونې لپاره زمینه برابرول: د کاروبار درېیمه موخه په یو هېواد کې د پانګونې زیاتوالی دی چې د پانګې اچونې لپاره موقع او فرصتونه برابروي دا د کاروبار په وسیله خلکو ته د خپلو جمع شویو پیسو لپاره د پانګه اچونې لپاره موقع هم برابریږي.
د ټولنې لپاره د خدماتو برابرول: دا هم اساسي موخه ګڼل کیږي چې د کاروبار په وسیله د اجناسو تولید او د هغې توزیع صورت نیسي، یعنې کله چې د کاروبار مالک د غوره معیار جنس تولید کړي او هغه په مصرف کوونکو باندې وپلوري؛ نو هغه د ګټې د حاصلولو نه علاوه په حقیقت کې په غیر مستقیم ډول د ټولنې لپاره غوره خدمت ترسره کوي.
اقتصادي پرمختګ: په یوه هېواد کې د کاروبار د پیل سره سم اقتصادي پرمختګ هم رامنځته کېږي او هېواد ورسره په اقتصادي لحاظ پیاوړی کېږي، چې داسې کاروبارونه عموما د خلکو د سرمایې په واسطه چلېږي.

Be the first to comment

Leave a Reply

Your email address will not be published.







وروستي مطالب

د طالبانو ضد ولسي پاڅون؛ له ۱۲ ډیرو ولایتونو کې خلک پاڅیدلي، خو څه باید وشي؟

by بشر درویش in افغانستان

وروسته له هغه چې امریکا او طالبانو موافقه وکړه او اوس سږکال د امریکایي ځواکونو چټک وتل پيل شول، ورسره همهاله افغانستان کې خورا توده جګړه پيل شوه. دا اوس هم پرته له څو ولایتونو ... نور ولولئ