افغانستان سپورټ کرکټ

کریم صادق: پر رمضان جام له چاودنې وروسته مې کرکټ سره علاقه کمه شوه!

د افغانستان د کرکټ ملې لوبډلې پخواني لوبغاړي کریم خان صادق د (کریک ټرېکر) په نوم یوې ورزشي ویب پاڼې سره په مرکه کې وویل، کرکټ سره یې هغه وخت علاقه کمه شوه، چې د رمضان جام سیالیو په مهال کرکټ لوبغالې کې چاودنه وشوه.

دوه کلونه وړاندې د ننګرهار په بهسودو ولسوالۍ کې د کرکټ شپنۍ لوبه روانه وه، چي درې چاودنې پرلپسې وشوې او پکښي لسګونه کسانو ته مرګ ژوبله واوښته.

دې پيښې په داخلي او نړیواله کچه د کرکیټرانو پراخ غبرګونونه راوپارول.

کریم خان صادق چې په همغه شپه په لوبه بوخت وو.

هغه له کریک ټرېکر ویب پاڼې سره په تازه مرکه کې وویل، چې هغه یې د ژوند تر ټولو سخته ورځ وه.

K

صادق زیاته کړه، چې له همغې ورځې یې له کرکیټ سره علاقه کمه شوې.

کریم خان صادق وویل:

«که رښتیا ووایم هغه مې د ژوند تر ټولو سخته ورځ وه. موږ د ورځې روژه نیولې وه او د شپې مو کرکټ کاوه. کله چې لوبغالي کې ولاړ وم مخته مې چاودنه وشوه. ما خپله ټوله هڅه وکړه، چې د ټپيانو په درملنه او رسونه کې پوره همکاري وکړم. خو له هغې ورځې څخه مې له کرکیټ سره علاقه ډېره کمه شوې.»

کریم خان صادق د خپلې مرکې په وروستیو کې ویلې، چې هغه پېښه کې  یې د ژوند خواږه ملګري له لاسه ورکړل.

کریم خان صادق د افغان کرکټ ملې لوبډلي د وخت مخکښ توپوهونکی وو.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی د کندهار پوهنتون د ښووني او روزنې پوهنځی د پښتو څانګې څخه فارغ شوی. په کندهار کې د ” زما“ راډیو سره په خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ