مارچ 2, 2021

هلمند: نادعلي کې ۵۰ بېوزله مېرمنو ته د کار زمینه برابریږي

راپور: بشر درویش

د هلمند د کرنې، اوبولګولو او مالدارۍ ریاست ددې ولایت د نادعلي ولسوالۍ ۵۰ بېوزله مېرمنو ته د کار زمینه برابروي.
د افغانستان د کرنې وزارت یوه خبرپاڼه کې ویلي؛ دغه کاري فرصتونه مېرمنو ته د بېلابېلو مېوو او سبو د پروسس له لارې برابریږي.
د هلمند د کرنې، اوبولګولو او مالدارۍ رییس زلمی الکو وایي، چې د نادعلي په ولسوالۍ کې ۵۰ بېوزله مېرمنې د سبو او مېوو د پروسس په برخه کې روزل شوي دي، چې ډېر ژر به پر یادو مېرمنو د سبو او مېوو د پروسس اړونده توکي هم ووېشل شي، ترڅو دوی په خپلو کورونو کې په کار بوختې شي او د خپلې کورنۍ اړتیاوې ورڅخه پوره کړي.

سرچینه زیاتوي؛ کومې مېرمنې چې اوس په دې ولسوالۍ کې د سبو او مېوو د پروسس په برخه کې د فعالیت زمینه ورته برابریږي، تر دې وړاندې په کورونو کې اوزګار ناست ول.
دغه برنامه د کرنې ریاست اړوند د کورني اقتصاد پراختیا پروژې له لوري په لاره اچول شوې، چې تر ډېره بې وسه، ناداره او اړمنې کورنۍ پکي په پام کې نیول شوي دي.
باید وویل شي، چې موده مخکې د هلمند ولایت په مرکز لښکرګاه او ناوې ولسوالۍ کې هم ۳۰۰ بېوزلو مېرمنو ته د کارزمینه برابره شوې وه.
یاد وزارت ویلي؛ د هلمند دکرنې، اوبولګولو او مالدارۍ ریاست په دې ولایت کې مېرمنو ته د کارموندنې په موخه د نورو فعالیتونو ترڅنګ د کورنیو بڼګیو او نوي بڼونو د جوړولو په برخه کې هم کار کوي. ددغو پروژو د پلي کولو موخه په دې ولایت کې، د سبو او مېوو د پروسس دودول، د کورنیو باغچو وده او  پراختیا او د بېوزلو کورنیو اقتصادي ملاتړ دی.
 

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




راشدخان: د یوه قوي ټیم درلودلو لپاره اړتیا ده، زیاتې ټیسټ لوبې وکړو

لیکوال: محمد صابر حمیدي ، کندهار - برخه : سپورټ

لیکنه: محمدصابر حمیدي     د ایسفاین کرکی انفو د راپور له مخي د افغانستان د کرکټ ملې لوبډلې نامتو لوبغاړي راشدخان ویلي، چې که موږ په کال کې له درې ـ څلورو لوبو ډېرې ... نور ولولئ