د هند IPL سیالیو ته د نه اخیستو له امله دغه لوبغاړي ځان وژنه کړې

لیکنه: محمدصابر حمیدي

د رپوټونو په اساس د هندوستان هیواد د کورني کرکټ یوه پياوړي لوبغاړي وروسته له هغه ځان وژنه کړې، چې ددې هیواد د کرکټ په سترو تجارتي سیالیو کې وانخیستل شو.
دا لوبغاړی  کرن تیواري نومېدی، چې د هندوستان په ممبي لوبډله کې یې کرکټ کاوه.
هغه د یادي لوبډلې لپاره هم توپ‌اچونه او هم توپوهنه کوله.

ځایي پولیس وايي، چې د کرن تیواري مړی د دوشنبې په ماخستن وموندل شو، چې د اټکل له مخې د شپې لس بجې شاوخوا یې ځان وژنه کړې.
د معلوماتو له مخي، کرن تیواري تر ځان وژنې څو ورځې مخکې خپل ملګري ته ویلي وه، چې په IPL سیالیو کې د نه اخیستو له امله زیات غمجن دی او ممکن ځان وژنه وکړي.

د هندوستان هیواد په کورنیو تجارتي سیالیو کې د هر کرکټر یو لوی ارمان وي، چې ولوبیږي او د خپل ځان او هیواد لپاره ویاړونه راوړي.
د هند آی پي ایل لوبې د راتلونکې سیپټمبر میاشتې په ۱۹مه نېټه د متحده عربي اماراتو په کوربتوب پیلیږي او د نوومبر میاشتې تر ۱۰مې نیټې پوري دوام کوي.
دا ددې لیګ ۱۳م پړاو دی، چې درې افغان لوبغاړي محمدنبي، راشدخان ارمان او مجیب ځدران به هم پکې ولوبیږي.

Be the first to comment

Leave a Reply

Your email address will not be published.