افغانستان

له هلمنده وروسته په کندهار کي جګړه؛ په ارغنداب کي خلګ خپلو کورونو پرېښودلو ته اړ سوي

خبریال: فضل الله فضلي

له تېرو درو ورځو راهسي د کندهار ولایت په ارغنداب ولسوالۍ کي وسلوالو طالبانو ځني سیمي نیولي او جګړې ته یې زور ورکړئ دئ.

جګړه کندهار ښار ته نږدې د ارغنداب ولسوالۍ په تابین، خسرو، چهار غلبې، بابرو، ده لاهور، شېون او د ارغنداب رود ها غاړي په ځنو کلیو کي پیل سوي او دوام لري.

په یادو سیمو کي خلګ خپلو کورونو پرېښودلو ته اړ سوي او ډېری اوسېدونکي په خپلو کورونو کي بند پاته دئ.

طالب وسلوالو ځني پوستې نیولي، خو امنیتي چارواکي وايي چي ځواکونو یې تکتیکي شاتګ کړی.

ارغنداب ته د خاصو ځواکونو د ۰۳ قطعې دوهمه ډله رسېدلې او د عملیاتو د پیلېدو خبر یې ورکړئ دئ.

د کندهار امنیتي چارواکي وايي، چي پيل سوي عملیات يې بریالي دي او ډېر ژر به سیمي له وسله والو پاکي کړي، خو وسله وال بیا د خپل پرمختګ ادعا کوي.

بلخوا عام خلګ له دواړو لورو څخه غوښتنه کوي، چي دوی ته دي جدي پام وکړي او زیان دي ورته نه رسوي.

د لیکوال/ لیکوالې په اړه

فضل الله فضلي

په کندهار کي د یاران ویب پاڼي لیکوال او ژورنالیست.
زده کړي: کندهار پوهنتون د ژورنالیزم او عامه اړیکو پوهنځی محصل
رسنیزه دنده: ۹ کاله
نوري دندي: هیواد راډیو تلوېزیون او افغانستان ورزشي خبریالان فدراسیون کي ورزشي خبریال، د یو خصوصي انستیتوت د عامه اړیکو مدیر، د سولي ږغ ټولني ولایتي غړی او کندهار پوهنتون پاچاخان علمي څېړنيز مرکز د سولي کلب غړی.

تبصره مو ولیکئ