سپورټ کورنی کرکټ

په کندهار کې د سولې په نوم د کرکیټ لوبې پاي ته ورسېدې

راپور: صابر حمیدي

د کندهار په پنجوايي والسوالۍ کي د پیوند مدني ټولني لخوا د اختر په پنځمه د سوولي په نوم د کرکیټ سیالۍ پيل سوي وې، چي پرون سې شنبه د پامیر هلال لوبډلي په لومړي مقام خپلولو سره پاي ته ورسېدې.

د کندهار پیوند مدني ټولني د ورزشي څانګي مسئول زمري اکبري یاران ته وویل، چي د پامیر هلال لوبډلي سره ددې سیالیو پایلوبي ته ژړۍ سټار لوبډلي لاره پيداکړې وه، چي په پایلوبه کي پامیر هلال ـ ژړۍ سټار ته ماته ورکړه او ددې سیالیو اتلولي ئې خپله کړه.

د اکبري په خبره، چي ددې سیالیو په ختم کښي د لومړي او دوهم مقام ګټونکو لوبډلو ترڅنګ د ټورنمنټ غوره توپوهونکي، غوره توپ اچونکي، غوره الراونډر، هیټریک وهونکي او لوبڅارانو ته بیلابیلي جایزې ورکړل سوې.

د یاد مسئول په خبره، چي ددې سیالیو څخه ئې موخه په محلي سطحه کرکیټ ته وده، د سولي او یووالي لپاره کار کول، ځوانان د نشو او بې ځایه کارونو څخه راګرځول او د مینوالو او لوبغاړو ترمنځ اړیکي قوي کول وه.

ددې سیالو پایلوبي ته ګڼ شمېر مینوال راغلي وه.

67307283_1320308961452179_822509782194716672_n.jpg

د کرکیټ په دې سیالیو کي د کندهار ښار، ولسوالیو او بیلابیلو کلیو څخه ۲۴ لوبډلو ګډون کړی وو.

په دې سیالیو کي لوبېدونکو لوبغاړو د کرکیټ پر دې ډول سیالیو خوښي وښوده او له مسئولینو څخه ئې ددې سیالیو د لا زیاتوالي غوښتنه وکړه.

 

 

د لیکوال/ لیکوالې په اړه

سپورټ یاران

دا لیکنه د یاران سپورټ ټیم چمتو کړې