په کندهار کي د فوټسال ۸ ورځنۍ سیالۍ پاي ته ورسېدې

راپور: صابر حمیدي
د افغانستان د آزادۍ ۱۰۰مي کلیزي په ویاړ کندهار کي جوړي سوي د فوټسال لوبي د پنجشنبې په ورځ پاي ته ورسېدې.
د مسئولینو په خبره د فوټسال دا لوبي د افغانستان د آزادۍ د ۱۰۰م کلیزي په ویاړ یوه اونۍ مخکي د کندهار په درو جمنازیمونو شهیداحمدولي خان، احمدشاهي او ملي ورزشي جمنازیمونو کي پيل سوي وې، چي تیره پنجشنبه د بامیکا فوټسال لوبډلي په لومړي مقام خپلولو سره پاي ته ورسېدې.
ددې سیالیو ترتیب کوونکي جمال ناصر طرزي یاران ته وویل، چي ددې سیالیو د پيله ۸ لوبډلو ګډون کړی وو، چي له ډلي ئې پایلوبي ته بامیکا او جیکیور فوټسال لوبډلو لاره پيداکړې وه.
د طرزي په خبره، چي یاده پایلوبه تیره پنجشنبه په ملي ورزشي جمنازیم کي په شاندارو مراسیمو سره ترسره سوه، چي بامیکا ـ جیکیور  ته ۵ ګولونه پر ۲ ماته ورکړه او د یادو سیالیو اتلولي ئې خپله کړه.

د یاد مسئول په خبره، چي ددې سیالیو څخه ئې موخه د افغانستان د ۱۰۰مي کلیزي لمانځل او د لوبغاړو ترمنځ یووالي راوستل وه.
د یادولو وړ ده، چي په دې ټورنمنټ کي د ګډونوالو لوبډلو لوبغاړي هم ددې سیالیو څخه خوښي وښودل او له مسئولینو څخه یې د نورو لوبو د جوړېدو غوښتنمه وکړه.

هغه ښځه چې په غرونو کې د اوبړۍ او وښو په خوړلو ژوندۍ او ۶میاشتې وروسته وموندل شوه

لیکوال: مهر تاج - برخه : ځوانان او زده کړې

دغه ۴۷ کلنه ښځه، چې له شپږو میاشتو راهیسې ورکه وه، په یوه غرنۍ سیمه کې ژوندۍ وموندل شوه، چېرته چې هغې یوازې د اوبو، ​​واښو اوجوارو په خوړو ژوند کاوه. د متحده ایالاتو په ... نور ولولئ