سپورټ فوټبال

په کندهار کې یو ځل بیا د فوټبال شپنۍ سیالۍ پیل سوې

لیکنه: ياران

لیکنه: فضل الله فضلي

په کندهار د روژې میاشتي په مناسبت د شپې لخوا په عمومي احمدشاهي فوټبال لوبغالي کي د ۱۲۰ لوبډلو ترمنځ سیالۍ پیل سوې.

یادي سیالۍ د کندهار ولایت د والي مرستیال عبدالحنان منیب په نامه پیل سوې.

په مراسمو کي چي وړمه شپه نیول سوي، وه پکښي د کندهار ولایت مرستیال والي، د کندهار د بدني روزني سرپرست رئيس مدیرآغا، بېلابېلو لوبغاړو او د یو شمېر دولتي سکتورونو مسؤلینو هم ګډون کړی وو.

یادي سیالۍ به د روژې مياشتي تر پایه دوام وکړي او د یادو سیالیو لومړۍ مقام ګټونکي لوبډلي ته د مرستیال والي عبدالحنان منیب لخوا یوه عراده موټرسایکل ورکول کیږي.

په کندهار کي اوسمهال د فوټبال ترڅنګ د کرکیټ او فوټسال سیالۍ هم په مختلفو لوبغالو او جمنازیمنو کي رواني دي.

له تېرو څو کلنو راپدې خوا د کندهار خلګ د هري روژې میاشتي د شپو څخه په استفادې مختلفي لوبي ترسره کوي او خورا خوشحاله وي.

د لیکوال/ لیکوالې په اړه

ياران