کندهار: د کیک بوکسینګ درې لوبغاړي ملي لوبډلي ته انتخاب شول

لیکنه: عبدالله عادل
تېره اونۍ د کندهارولایت د کیک بوکسینګ فدراسیون نهه تنه غړي د سپورټ او بدني روزني د ریاست په همکارۍ په ولایتي سېالیو کي د ګډون په موخه مرکز کابل ته تللي وه چي په یادو نهه غړو کي دوه روزونکي او پاته اووه لوبغاړي (فایټران) وه.
د کندهار د کیک بوکسینګ فدراسیون مسئول میرویس فرقانیار وايي چي د کندهار څخه برخه اخیستونکو ۷ لوبغاړو ټولو ښې لوبي ترسره کړې چي د یادو لوبغاړو له جملې څخه یې درو تنو لوبغاړو ملي لوبډلي ته لار پيدا کړه د نوموړي په وینا حنظله الرحمن ، حامد او حیات الله درې تنه کندهاري لوبغاړي دي چي په بیلابیلو وزني کټګوریو کي یې د کیک بوکسینګ ملي لوبډلي ته لاره پيداکړه.
په دغه سېالیو کي همدارنګه حنظله او حامد لومړی ، حیات الله دوهم او یوه بل لوبغاړي څلورم مقام خپل کړئ.
د یادوني وړ ده چي له کندهار څخه برخه اخیستونکې دغه ډله نن په ډک لاس یاد ولایت ته راستنیږي.
 




وروستي مطالب

نوین‌الحق: ارمان مي دی، چې IPL کې د ډوهني تر رهبرۍ لاندي ولوبېږم

by محمد صابر حمیدي ، کندهار in سپورټ

د افغانستان د کرکټ ملې لوبډلې چټک توپ‌اچونکي نوین‌الحق په خپلو تازه څرګندونو کې ویلې، ارمان یې دادی، ترڅو د هند کرکټ ملې لوبډلې پخواني لوبډلمشر او په آی پي ایل سیالیو کې د چینای ... نور ولولئ