روغه سټه ژوند بڼه

څېړنه: ککاو لوړ عمر لرونکو خلکو ته ډېره گټه لري

6108-05872354 © Masterfile Royalty-Free Model Release: Yes Property Release: Yes Senior couple eating chocolate at home

پوهان اوس دې پایلې ته رسیدلي دي چې ککاو په لوړ عمر لرونکو خلکو کې د درک کولو د پياوړتيا کچه لوړوي.

د اسپوټنیک د راپور پر بنسټ، د ايلينوای او بېرمنگهم پوهنتونو پوهانو د يو شمېر څېړنو وروسته دې پایلې ته رسیدلي دي چې ککاو د زړو خلکو پر ذهني کړنو مثبتې اغيزې لرلای شي.

پوهانو د دغې څېړنې په لړ کې د فلاوانول د ګټورو ځانګړنو په اړه چې د ککاو یوه لویه برخه جوړوي ډېر معلومات ترلاسه کړل.

فلاوانول په مغز کې د وينې جریان ډېروي، چې د انسان پر ذهني فعاليت مثبت اغېز پرې باسي. په يادې څېړنه کې ۱۸ تنو ګډون کړی و.

لکه څنګه چې د دغې څېړنې يوه څېړونکې Catarina Rendeiro اشاره وکړه چې په دغه څېړنه کې ۱۴ تنو لوړ فلاوانوال لرونکي ککاو يې څښلی وو او د ذهن ادراکي فعالیت یې د هغو خلکو په پرتله ۱۱سلنه چټک وو چې کم فلاوانوال لرونکي ککاو یې څښلی وو.

څلورو تنو چې د مغزو هېڅ فعالیت يې نه درلود، تر څېړنې وړاندې یې د مغزو د فعالیت پایله غوره وه. د یادونې وړ ده چې فلاوانول په مېوو او سبزيو کې هم موندل کېږي.

د لیکوال/ لیکوالې په اړه

عایشه حیدري ، کابل

تبصره مو ولیکئ