هغوی چې اندریوډ سیستم لرونکی ځیرک ټیلفون کاروي، د یاران اپ له ګوګل پلی سټور خپلو موبایلونو ته ښکته کولی شي. او هلته په یاران کې خپرې شوې ټولې ګټورې لیکنې هره وخت لوستلی شي.  له دې ځایه یاران اپ خپل موبایل ته ښکته کړئ. د اۍ فون لپاره د یاران اپ ډیر زر خپریږي .

د کابل له وروستي برید وروسته د ټرمپ د ادارې عکس العملونه

په کابل کې پرون د سترې محکمې مخې ته شوې خونړۍ چاودنه په افغانستان کې دننه او بهر په پراخه توګه غندل شوې. دې چاودنې د ښځو او ماشومانو په شمول شل تنه ووژل او لسګونه نور یې ټپیان کړل.

د سپینې ماڼۍ ویاند ښاغلي سپایسر په خپله ورځنۍ خبري غونډه کې دا برید وغانده او د افغان حکومت سره یې د خپلې ادارېد ملاتړ په دوام ټینګار وکړ.
بل خوا د افغانستان د ملي امنیت سلاکار دفتر وايي، چې د متحدو ایالتونو د ملي امنیت سلاکار جنرال مایکل فلېن، د افغانستان د ملي امنیت سلاکارمحمد حنیف اتمر ته، د کابل د تېرې ورځې خونړۍ تروریستي پېښې له امله، د تسلیت او ډاګېرنې په موخه تلیفون کړی و.

په خبرپاڼه کې راغلي چې د متحدو ایالتونو د ملي امنیت سلاکار یاده تروریستي پېښه په سختو ټکو وغندله .

د افغانستان د ملي امنیت د سلاکار له دفتر څخه په خپرې شوې خبرپاڼې کې ویل شوي

” د متحدو ایالتونو د ملي امنیت سلاکار ښاغلي فلېن، یو ځل بیا د افغانستان د اسلامي جمهوري دولت سره د خپل دولت، د ستراتېژیکې ملګرتیا پر دوام ټینګار وکړ او زیاته یې کړه، چې متحد ایالتونه د افغان امنیتي او دفاعي ځواکونو ملاتړ، چې په مېړانه د افغانستان دفاع کوي او د دا ډول تروریستي بریدونو په شنډولو او ځوابولو کې د لوړو محاربوي وړتیاوو ښودنه کوي، د خپل هېواد مهم ستراتېژیک او نظامي لومړیتوب بولي.“

تر دې مخکې د امریکا نوي دفاع وزیر جنرال جیمز ماتییز ولسمشر اشرف غني ته ټیلفون کړی و، او د پرون ورځې د پېښې د غندلو سربیره یې د دواړو هیوادونو ترمنځ په نژدې اړیکو ټینګار کړی و.

دا له هغې وروسته چې په واشینګټن کې ډونالډ ټرمپ د امریکا د ولسمشر په توګه لوړه کړې د امریکايي او افغان لوړ پوړو چارواکو ترمنځ لومړني څرګند تماسونه دي.

که څه هم تر اوسه د افغانستان په اړه د امریکا د نوي ولسمشر پالیسي روښانه نه ده، خو د ټرمپ د ادارې د لوړپوړو چارواکو له وروستیو ټیلفونونو څرګندیږي چې دوی د افغانستان پیښې له نژدې څارې او په اړه یې له افغان چارواکو سره د همکارۍ او اړیکو لېواله دي.

ستاسو نظر

خپل نظر مو په تبصره کې ولیکئ

هغوی چې اندریوډ سیستم لرونکی ځیرک ټیلفون کاروي، د یاران اپ له ګوګل پلی سټور خپلو موبایلونو ته ښکته کولی شي. او هلته په یاران کې خپرې شوې ټولې ګټورې لیکنې هره وخت لوستلی شي.  له دې ځایه یاران اپ خپل موبایل ته ښکته کړئ. د اۍ فون لپاره د یاران اپ ډیر زر خپریږي .
/* ]]> */