سپورټ وزش او تمرین

کابل کې د هنډ بال ساحلي لوبي پیل شوې

د مسئولنیو په خبره پرون چهارشنبه د کابل بدني روزني عمومي ریاست په ورزشي لوبغالي کي د هنډ بال ساحلي لوبي پيل سوې، چي موخه ئې ورڅخه ملي لوبډلو ته د غوره لوبغاړو موندل دي.

د یادو سیالیو د پیل په مراسمو کي د افغانستان بدني روزني او اُلمپيک ملي کمېټې رئيس حفیظ الله ولي رحیمي او یو شمېر نورو ورزشي مسئولینو ګډون کړی وو.

74205638_2432914733648718_3437987588051304448_n.jpg

د افغانستان د اُلمپیک ملي کمېټې له لوري په خپره سوې خبرپاڼه کي راغلي، چي په دې سیالیو کي د کابل ښار د بیلابیلو سیمو څخه ۷ د هنډ بال ساحلي لوبډلو ګډون کړی، چي په ۶ ورځو کي به یو د بل په وړاندي سیالۍ ترسره کړې.

75561515_2432914740315384_1084850159910649856_n.jpg

د یادي خبرپاڼي په حواله د ګډونوالو ۷ ټیمونو څخه ۱۰۰ نوي ځوانانو او لویانو لوبغاړو ګډون کړی، چي په یادو دوو کټګوریو کي به ملي لوبډلو ته ورڅخه غوره لوبغاړي انتخاب کړل سي.

د ورکړل سوو معلوماتو له مخي، چي د یاد ټورنمنټ څخه تکړه لویان لوبغاړي افغان هنډ بال ملي ټیم ته او تکړه ځوان لوبغاړي بیا افغان هنډ بال ۲۳ کلني ملي لوبډلي ته غوره کیږي.

ټاکل سوې، چي د ګډونوالو لوبغاړو څخه ۱۴ تنه افغان ملي ټيم ته او ۱۴تنه بیا افغان ۲۳ کلني ملي لوبډلي ته انتخاب کړل سي.

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړې پر دې سربیره د کندهار ولایت د ښوونې او روزنې د پوهنتون د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.