هغوی چې اندریوډ سیستم لرونکی ځیرک ټیلفون کاروي، د یاران اپ له ګوګل پلی سټور خپلو موبایلونو ته ښکته کولی شي. او هلته په یاران کې خپرې شوې ټولې ګټورې لیکنې هره وخت لوستلی شي.  له دې ځایه یاران اپ خپل موبایل ته ښکته کړئ. د اۍ فون لپاره د یاران اپ ډیر زر خپریږي .

طالبانو کابل کې دوه ځایه ډله ایز بریدونه کړي

افغان طالبانو د چارشنبې په ورځ په کابل کې پر پولیسو او د ملي امنیت پر یو ادارې د دوو بریدونو مسولیت اخیستی.

د چارشنبې په ورځ د کابل په لویدیځ کې د چاودنې وروسته د امنیتي ځواکونو او نا معلوم شمیر بریدګرو ترمنځ د ډزو غږونه هم اوریدل شوې دي.

راپورونه وايي دا نښته د پولیسو پر یو ماموریت د ډله ایز برید پر مهال چې د کابل له حربي ښونځي ډير لرې نه دی رامنځ ته شوه.

د کوټه سنګي په سیمه کې دې برید لږتر لږه دوه کسان وژلي او ۳۶ نور یې ټپیان کړيدي. د بریدګرو د شمیر او مرګ ژوبلې په اړه لا چارواکو څه نه دي ويلي.

د کورنیو چارو وزارت ویاند رسنیو ته ویلي، بریدګرو لومړی د پولیسو د ماموریت مخې ته موټري بمي چاودنه کړې او وروسته له پولیسو سره په ډزو کې ښکیل شوي دي.

بل برید د کابل په ختیځ کې د احمد شا بابا په سیمه کې شوی چې ظاهرا د ملي امنیت یوه اداره په کې په نښه شوې وه. رویټرز خبري اژانس د یو لوړپوړي افغان پوځي چارواکي له خولې وايي، دا برید ډیر زر دفعه او برید ګر وزپل شول.

د کابل په ختیځ کې د میشتې ۱۱۱ مې لیوا قومندان عبدالناصر ضیايي وايي، دوه برید ګر ودانۍ ته ننوتل، یو یې ځان ته چاودنه ورکړه او دویم د افغان امنیتي ځواکونو په ډزو ووژل شو.

کورنیو چارو وزارت په دې برید کې د پنځو امنیتي مامورینو د برسیرن ټپي کیدو خبره منلې او د عامې روغتیا وزارت وايي، یو تن ټپي د پېښې له ځایه وروړل شوی.

طالبانو ددې بریدونو مسولیت منلی او ادعا یې کړې چې په بریدونو کې یې افغان امنیتي ځواکونو ته درنه مرګ ژوبله اړولې . طالب ویاند ذبیح الله مجاهد همدارنګه کابل کې د درې بریدونو ادعا کړې خو افغان چارواکي دوه بریدونه تاییدوي.

تیره میاشت د افغانستان د سترې محکمې مخې ته برید ۲۰ کسان وژلي وو چې د داعش وسلوالې ډلې یې مسولیت منلی وو.

ستاسو نظر

خپل نظر مو په تبصره کې ولیکئ

هغوی چې اندریوډ سیستم لرونکی ځیرک ټیلفون کاروي، د یاران اپ له ګوګل پلی سټور خپلو موبایلونو ته ښکته کولی شي. او هلته په یاران کې خپرې شوې ټولې ګټورې لیکنې هره وخت لوستلی شي.  له دې ځایه یاران اپ خپل موبایل ته ښکته کړئ. د اۍ فون لپاره د یاران اپ ډیر زر خپریږي .
/* ]]> */