Advertisements
سپورټ نړیوال کرکټ

جیسن هولډر په غبرګې سلیزې لمړي مقام ته ورسید !

د ویسټ انډیز د کرکټ ملي لوبډلې د ټیسټ سیالیو کپتان جیسن هولډر د انګلستان خلاف ټیسټ لوبې کې د غبرګې سلیزې جوړولو وروسته د ټیسټ سیالیو په درجه بندۍ کې لمړي مقام ته ورسید.

 نوموړي درې ورځې وړاندې د انګلستان د کرکټ ملي لوبډلې خلاف ټیسټ لوبه کې غبرګه سلیزه جوړه کړه، چې ورسره انګلستان په دغه سیالۍ کې د ۳۸۱ منډو په ستر توپیر سره ماتې هم وخوړه.

 د غبرګې سلیزې ۲۰۲ منډو جوړونکی جیسن هولډر د کرکټ نړیوالې شورا لخوا د الراونډرانو په تازه اعلان شوي رینکینګ یا درجه بندۍ لیست کې له مخکیني دریم مقام څخه لمړي ته رسیدلی دی.

 په اعلان شوې درجه بندۍ کې ویسټ انډیزی هولډر په ۴۴۰ ریټینګ پوانیټونو سره لمړی، ورپسې بنګله دیشی شاکیب الحسن، هندی روینډر جدیجه، انګلستان بین سټوک او افریقايي ویرنن فیلینډر یو بل پسې دي.

 د کوربه ویسټ انډیز او میلمه انګلستان د کرکټ ملي لوبډلو ترمنځ په ویټ انډیز کې د ۳ ټېسټ، ۵ یو ورځینۍ او درې ۲۰ اوریزو لوبو لړۍ پلان شوې ده، چې مارچ میاشتې تر ۱۰ مې نېټې پورې به دوام وکړي.

Advertisements

د لیکوال/ لیکوالې په اړه

احسان الله ساپی