ټولنیز ژوند خوندیتوب روغه سټه ژوند بڼه

ژور خپګان؛ عام لاملونه یې

ژباړه او زیاتونه: ملیحه ناصري

لکه څنګه چې ټولو ته جوته ده، یوویشتمه پېړۍ د ژور خپګان ډېره شاهده ده. ډېری کسان په ښکاره او پټه له ژور خپګانه کړېږي. ځينې وخت په رښتیا هم ژور خپګان په خپل ټول ځواک سره زموږ ورځنۍ چارې دومره تر اغېز لاندې راولي چې یوه یې هم په سمه توګه نه شو پوره کولی؛ خو د بحث وړ خبره دا ده چې دا خپګان ولې او له کومه ځایه پیلېږي. په دې لیکنه کې یې درته وایو.

تر ټولو ستر لاملونه یې

ژور خپګان ډېری وخت په کوم ځانګړي لامل پورې اړه نه لري. ځينې وخت د ناروغیو سرچینه ژور خپګان وي؛ خو برعکس، ځينې وخت ناروغۍ د ژور خپګان منشاء وي. کله کله هم هېڅ کوم ځانګړی علت نه لري. پوهان وايي چې عام لاملونه یې دا دي:

-ټروما: په ماشومتوب کې روحي ضربه د دې لامل کېږي چې په لویینې کې هماغه کس پر ژور خپګان اخته شي.

  • جنیټيک: د ځانوژنې افکار، ناهیلي، خپه کوونکې فکرونه پالل، له ژونده بېزاري، د ژور خپګان لاملونه دي چې ځينې وخت یې سرچینه جنیټيک دی.

-د ژوند شرایط: د ژوند ناسم شرایط، ټولنیزې ناخوالې، د ګډ ژوند ګډ وډۍ، کورنۍ شخړې، د افسرده‌ګۍ لاملونه دي. کېدی شي ژور خپګان پخپله د ژوند د ناسمو شرایطو لامل شي، برعکس ناسم شرایط د افسرده‌ګۍ لامل شي.

-نور لاملونه : هغه کسان چې له پخوا یې خوب سم نه وي، اوږدمهاله دردونه او ناروغۍ ولري، وېره او توهم ورسره مل وي، سم تمرکز ونه شي، ژور خپګان ته یو څه ډېر چمتو یا مساعد کسان ګڼل کېږي.

-نشه‌يي توکي: هغه کسان چې روږدي وي، ژوند یې په نشو تېرېږي، دوی له ژور خپګان سره مخ کېږي؛ ځکه خپله نشه‌‌يي توکي د دوی وجود جسماً او روحاً زیانمنوي.

د لیکوال/ لیکوالې په اړه

ملیحه ناصري

ملیحه ناصري د کابل پوهنتون د ژبو او ادبیاتو د پوهنځي پښتو څانګه لوستې. پر ادبي، کلتوري او ټولنیزو مسلو د یاران میډیا لپاره لیکنې کوي. دلته د ملیحه ناصري د خپروشویو لیکنو د بیا خپراوي حق یاران میډیا سره خوندي دی.

تبصره مو ولیکئ