فبروري 27, 2021

په ننګرهار کې د میډیا لیګ سیالیو اتلولي د ژورنالیستانو شورا لوبډلې خپله کړه !

 په ختیځ ننګرهار ولایت کې د ورزشي خبریالانو د کرکټ لوبډلو ترمنځ د میډیا لیګ یا رسنیز لیګ په نوم ۱۰ اوریزه سیالۍ ترسره شوې، چې پکې د ژورنالیستانو شورا لوبډلې د اتلولۍ جام وګټلو.

د کرکټ دغه ۱۰ اوریزه لوبې په ننګرهار کې د ورزشي خبریالانو د کرکټ لوبډلې لخوا پیل شوې وې، چې پکې ۴ لوبډلو ګډون کړی و.

ګډون کوونکې ۴ واړه لوبډلې د ننګرهار ورزشي خبریالان، د ختیځ زون ژورنالیستانو ګروپ، د ژورنالیستانو شورا او د سینما لوبغاړو لوبډله یو بل سره په درې لوبو کې مخامخ شوې، چې د باران د اورښت په مرسته د سینما لوبغاړو لوبډله د ژورنالیستانو شورا لوبډلې سره پای لوبې ته ورسیده.

په وروستۍ سیالۍ کې د سینما لوبغاړو لوبډله د ژورنالسیتانو شورا لوبډلې لخوا د ۹۳ منډو هدف په ځواب کې ۱۰ منډې وروسته پاتې شوه او په دغه سیالیو کې یې دویم مقام خپل کړ.

د سیالیو ترتیب کونکي د ورزشي خبریالانو د لوبډلې غړي وايي، له دې لوبو څخه یې موخه د خبریالانو او ژورنالیستانو ترمنځ په رسنیزه برخکې نږدې اړیکې دي، چې په دې سیالیو کې ورسره د ختیځ زون د کرکټ بورډ مسول روح الله تره خیل او د ختیځ کرکټ اکیډمۍ مسول ډاکټر عبدالعزیز خپله پوره پوره همکاري کړې ده.

په دې سیالیو کې د لمړي ځل لپاره د سینما ډګر لوبغاړي، چې د فلم یا ډرامې په ذریعه تر خلکو پیغام رسوي؛ هم شامل شوي وو.

په ننګرهار کې د سینما لوبغاړي وايي، خوښ دي، چې د خبریالانو سره یو ځای په دغه لیګ سیالیو کې ولوبیدل او ورسره یې اړیکې لا نږدې شوې.

د سینما لوبډلې لوبډلمشر لعل محمد وفا وايي، داسې لوبې جوړول د خبریالانو او فلمي لوبغاړو ترمنځ ډیرې ګټورې دي او یو بل سره د ښو اړیکو او خبراوي په معنی دي.

دغه لوبې چې درې ورځې یې دوام وکړ،  د پای لوبې غوره لوبغاړی واجد خان، په ۱۰ ویکټو د لیګ مخکښ بالر مطیع الله، په ۹۸ منډو مخکښ توپ وهونکی امجد او د ټولو لیګ غوره لوبغاړی په ۸ ویکټو او ۶۵ منډو جوړولو سره احسان الله ساپی وټاکل شو.

د رسنیز لیګ په نوم د کرکټ دا ډول سیالۍ د لمړي ځل لپاره ترسره شوې، خو مسولین یې وايي، دغه چاره به په راتلونکو کلونو کې هم دوام داره وساتي.

کوپټیل؛ په نړیوالو شل اوریزه سیالیو کې زیاتې شپږیزه وهونکی لوبغاړی

لیکوال: محمد صابر حمیدي ، کندهار - برخه : سپورټ

لیکنه: محمدصابر حمیدي   د نیوزیلنډ د کرکټ ملې لوبډلې پیلیز لوبغاړي مارټین کوپټیل د اسټرالیا په وړاندې لوبه کې په ۵۰ توپونو ۹۷ منډې وکړې، چې ۸ شپږیزې او ۶ بیا څلوریزې شاملې وې. ... نور ولولئ