اپریل 23, 2021

د آی پي اېل نوي قوانین،شايد پرې خبر نه ياست 

د هندوستان د کرکټ بورډ ادارې ویلي چې د آی پي اېل هره لوبډله باید خپل یو اننګز یا شل اورونه په ۹۰ دقیقو کې پای ته ورسوي.

مخکې به وروستی اوور له نویمې دقیقې څخه پیلېده؛ خو اوس پنځه دقیقې د توپ وهنې اننګز پیل او پای ته ځانګړې کېږي.

یعنې لوبډلې مجبوره دي، چې ۸۵ دقیقو کې یې اورونه د پای کرښې ته رسولي وي او په نوي یمه دقیقه کې باید اننګز ودرول شي.

د لوبڅار اشاره (Soft Signal

د هندوستان کرکټ بورډ پرېکړه کړې، چې په آی پي اېل کې به سافټ سېګنال یا د لوبڅار د اوټ اشاره نه وي.

د کرکټ بورډ په خبره هغه لوبڅار چې د لوبغاړي د اوټ پرېکړه کوي، باید د شک په صورت کې درېیم لوبڅار ته ور وګرځي.

اوس به ونه شي کولای، چې د ان فیلډ یا د لوبغالي لوبڅار پرېکړه د درېیم لوبڅار یا د تلویزیون د لوبڅار په پرېکړه اغېز ولري.

مخکې اصول داسې وو، چې د لوبغالي لوبڅار به د کېچ، ایل بي ډبلیو او یا هم سټم اوټ په اړه پرېکړه وکړه، نو درېیم لوبڅار به هم خپله پرېکړه د ان فیلډ یا د لوبغالي د لوبڅار د لومړۍ پرېکړې په ګټه څرخوله؛ خو اوس به درېیم لوبڅار خپل مستقل دریځ د لوبغاړي د اوټ او یا هم نه اوټ په اړه نیسي او خپله پرېکړه به صادروي.

د هند لوبډلمشر ویرات کولي دا پرېکړه ناسمه بللې او ویلي یې دي، چې زوړ سیستم درست و.

یعنې کله چې د میدان لوبڅار اوټ او یا د نه اوټ پرېکړه وکړي، بیا نو توپوهونکی او یا هم توپ اچوونکی کولای شي، چې ریوو واخلي.

خو هندوستان کرکټ بورډ او د آی پي اېل چارواکي وایي، چې هغې پروسې زیات وخت نیوه او وخت یې ضایع کاوه، نو د آن فیلډ لوبڅار صلاحیت یې هم درېیم یا ټي وي لوبڅار ته ورکړ.

سافټ سېګنالSoft Signal

کله چې په لوبغالي کې دوه ولاړ لوبڅاران د لوبغاړي د اوټ او یا هم نه اوټ په اړه پرېکړه وي.

یعنې مطلب دا چې بالر توپ ترسره کړي او د اېل بي ډبلیو اپیل یا غوښتنه وکړه؛ نو لوبڅار ګوته پورته کوي او اوټ ورکوي، چې دا د اوټ لپاره سافټ سېګنال دی.

که چېري بالر بال وکړي او د اېل بي ډبلیو او یا هم کېچ اوټ اپیل وکړي او لوبڅار اوټ ورنه کړي دا هم د لوبڅار سافټ سېګنال دی، یعنې هم د اوټ لپاره سافټ سېګنال شته او هم د ناټ اوټ لپاره.

که چېري د لوبڅار سافټ سېګنال د بالر په ګټه وي، نو وروسته توپوهونکی ریوو اخلي او درېیم لوبڅار ته پرېکړه ځي.

خو درېیم لوبڅار ډېره پورې د لومړي لوبڅار طرفی کوي او اوټ ورکوي.

خو که د سافټ سېګنال وروسته توپ وهونکی اوټ ورنه کړل شي، بیا بالر ریوو اخلي او بالاخره درېیم لوبڅار ته پرېکړه ځي.

اوس د هندوستان کرکټ بورډ ویلي، چې د لومړي لوبڅار پرېکړه به د تلویزیون په لوبڅار یا په درېیم لوبڅار اغېز ونه لري او د هغه په طرفۍ به پرېکړه نه کوي، بلکې څه چې حقیقت وي، هغه به د خپل دریځ له مخې وړاندې کوي.

نو تمه ده چې د سافټ سېګنال په مطلب پوه شوي وئ.

وروستي مطالب