سپورټ کرکټ وزش او تمرین

د هند IPL سیالۍ د سیپټمبر په ۲۶مه پیلیږي!

ټاکل شوې د هندوستان د کرکټ کورنۍ سیالۍ«IPL» د هند په ځای متحده عربي اماراتو کې د سیپټمبر میاشتې په ۲۶مه نېټه پيل شي او د نومبر میاشتې په ۷مه نېټه پای ته ورسیږي.

د تیري جمعې په ورځ د هند کرکټ بورډ مسوولینو خپلو کې په دې تړاو ناسته وکړه او پکې پرېکړه شوې، چې د هند آی پي ایل سیالۍ به د سیپټمبر له ۲۶مي بیا د نومبر تر ۷مي په متحده عربي آماراتو کې ترسره کړي.

خو هند کرکټ بورډ په دې تړاو رسمي خبر د جولای میاشتې په ۲۰مه نېټه اعلانوي.

ټاکل شوې وه د هند آی پي ایل تجارتي سیالۍ د روان کال د مارچ میاشتې له ۲۹مي بیا د مې میاشتې تر ۱۷مې نېټې پوري ترسره شوي وای، خو کورونا ویروس وځنډولې.

تر دې مخکي هندي بورډ ویلې وه، د دوی لومړیتوب هند هیواد دی، خو د کورونا ویروس د پراختیا له امله اوس دوی متحده عربي اماراتو کې چمتوالی پيلوي.

متحده عربي آماراتو هم په څو ځلې ویلې، چي د آی پي ایل کوربتوب ته پوره چمتوالی لري.

په متحده عربي اماراتو کې د هند کورنیو سیالیو ترسره کول نوې خبره نده؛ بلکې تر دې مخکې په ۲۰۱۴م کې هم یو ځلې آی پي ایل په متحده عربي اماراتو کې ترسره شوی او د دې ترڅنګ په ۲۰۰۹م کې بیا هند کې د عمومي ټاکنو له امله سویلي افریقا کې ترسره شوی.

تمه کیږي، چې په آی پي ایل سیالیو کې د لوبېدونکو لوبډلو لوبغاړي تر سیالیو یوه میاشت مخکې متحده عربي اماراتو ته ولاړ شي.

د نړیوال جام او اسیا جام راوروسته اوس د ټولو کرکټرانو او مینوالو سترګې IPL ته دي.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی د کندهار پوهنتون د ښووني او روزنې پوهنځی د پښتو څانګې څخه فارغ شوی. په کندهار کې د ” زما“ راډیو سره په خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ