سپورټ کرکټ وزش او تمرین

د هند IPL سیالۍ په سپټمبر میاشت کې پیلیږي!

ټاکل شوې وه د هند آی پي ایل سیالۍ د روان ۲۰۲۰م مارچ میاشتې له ۲۹مې بیا د مې میاشتې تر ۱۷مې نېټې پوري ترسر شوی وای، خو د کورونا ویروس له امله تر اوسه ځنډېدلی.

د کریک اډیکټور په نوم یوې هندۍ ورزشي ویبپاڼې اوس تازه راپور ورکړی، چې هند کرکټ بورډ پرېکړه کړې، 1PL سیالۍ په سپټمبر او اکتوبر میاشتو کې د هند په ځای متحده عربي آماراتو کې ترسره کړي.

دې ویبپاڼې په هند کرکټ بورډ کې د ځینو سرچینو په حواله ویلې، چې د دوی لومړیتوب هند هیواد دی، خو د کورونا ویروس د پراختیا له امله اوس دوی متحده عربي اماراتو کې چمتوالی پيلوي.

BCCI یا د هند کرکټ بورډ ویلې، چې د سالیو ترسره کولو لپاره متحده عربي امارات تر ټولو بهترینه ځای دی، ځکه چې دوبۍ، شارجه او ابوظبۍ ښارونه یې سره نژدې دي او د ښه میدانونو ترڅنګ لوبغاړو او چارواکو ته خوندي ځایونه پکې شته.

تمه کیږي، چې په آی پي ایل سیالیو کې د لوبېدونکو لوبډلو لوبغاړي تر سیالیو یوه میاشت مخکې متحده عربي اماراتو ته ولاړ شي.

په متحده عربي اماراتو کې د هند کورنیو سیالیو ترسره کول نوې خبره نده؛ بلکې تر دې مخکې په ۲۰۱۴م کې هم یو ځلې آی پي ایل په متحده عربي اماراتو کې ترسره شوی او د دې ترڅنګ په ۲۰۰۹م کې بیا هند کې د عمومي ټاکنو له امله سویلي افریقا کې ترسره شوی.

د نړیوال جام او اسیا جام راوروسته اوس د ټولو کرکټرانو او مینوالو سترګې IPL ته دي.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی د کندهار پوهنتون د ښووني او روزنې پوهنځی د پښتو څانګې څخه فارغ شوی. په کندهار کې د ” زما“ راډیو سره په خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ