مارچ 2, 2021

د آی پي اېل د نه ترسره کېدو په صورت کې یې هېوادونو ته مالي زیان

یاران سپورټس
که د ای پي اېل کرکټ سیالۍ ترسره نشي، نو د افغانستان په ګډون یې ځینو هېوادونو ته ۲۴۸ اعشاریه ۸۵ کروړه هندي کالدارې زیان رسېږي
دا منو چې کرکټ یو زړه پورې ورزش یا لوبه ده، خو د سوداګرۍ یو اړخ هم دی، په ټولو لوبو کې پېسې په لګښت رسېږي، خو په سوداګریزو لوبو کې بیا د دغو پېسو لګښت تر نورو لوبو ځکه زیات وي، چې دا لوبې د سوداګرۍ په موخه وي، لوبغاړي پکې اخیستل کېږي، هوټلونه، موټرې، لوبډلې او ان لوبغالي پکې بیمه او سپانسر کېږي.
خو د سوداګریزو لوبو په منځ کې د هندوستان سوداګریزې کرکټ لوبې یو له غني یا بډایه سیالیو څخه دي؛ چې ډېرې زیاتې پېسې پکې په مصرف رسېږي.
د دغه لیګ لپاره د ځېنو هېوادونو لوبغاړي لوبېدلي او سږ کال هم د درې افغان لوبغاړو په شتون کې د نورو هېوادونو لسګونه لوبغاړي اخېستل شوي دي.
که سږ کال د آې پي ایل سیالۍ لغوه شي؛ نو هر هغه هېواد ته یې مالي ضربه رسېږي، چې لوبغاړي یې په دغو لوبو کې اخېستل شوي دي.
لومړی؛ افغانستان
که د آې پي ایل کرکټ سیالۍ سږ کال ترسره نشي؛ نو افغان لوبغاړو ته یې ۱۴ کروړه مالي تاوان ورسېږي.
راشدخان په ۹ کروړه، مجیب الرحمن په ۴ کروړه او محمدنبي په یو کروړ روپیو د حېدراباد او پنجاب لوبډلې پېرلي دي.
اسټرالیا ته یې مالي زیان
اسټرالیا ته یې په اوسط ډول ۸۶ اعشاریه ۷۵ کروړه هندي کالدارې تاوان رسېږي.
ویسټ انډیز ته یې مالي زیان
د ویسټ انډیز لوبغاړي د شل اوریزو لوبو لپاره لکه د افغان لوبغاړو په څېر وړ او جوړ لوبغاړي دي، که لیګ ترسره نشي دې هېواد لوبغاړو ته یې ۵۷ کروړه هندي کلدارې زیان رسېږي.
انګلستان ته یې ۴۳ اعشاریه ۸۰ کروړه، سویلي افریقا ته یې ۳۴ اعشاریه ۶۰ کروړه، نیوزیلېنډ ته یې ۹ اعشاریه ۸ کروړه، سریلانکا ته یې ۲ اعشاریه ۷۰ کروړه او نېپال ته یې ۲۰ لکه هندي کالدارې تاوان ورسېږي.
 

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




جاپاني پوهان: د زړښت ضد نوي درمل کشف شول

لیکوال: نسیمه محمدي ، کابل - برخه : په زړه پورې

ژباړه د جاپان څېړونکو نوى ميکانيزم کشف کړى، چې د حجرو له زړښت څخه مخنيوى کوي. • د راپورونو پر اساس، “ماکوتو ناکانسي” د توکيو د طبي پوهنتون پروفيسور وايي، چې د کشف شوي ميکانيزم ... نور ولولئ