د را روان آی پي اېل لیګ لپاره هیلې

یاران سپورټس
که څه هم د آی پي اېل کرکټ لیګ لپاره د مارچ میاشت ۲۹مه د پیل وخت ټاکل شوی و، خو دغه نېټه د اپرېل میاشت ته وروسته کړل شوه او وجه یې هم د کرونا نړیواله وژونکې وبا ده.
لا هم د آی پي اېل د ترسراوي په موخه شرطیه خبرې کېږي او دوې ورځې وړاندې د آی پي اېل د لوبډلو سپانسرانو او د هندوستان د کرکټ بورډ غړو ګډه ناسته کړې او د آی پي اېل لوبو د ترسراوي په تړاو یې غونډه کړې او نظرونه یې شریک کړي دي.
د دې غونډې په اوږدو کې خبرې شوي دي، چې آې پي ایل به ترسره کېږي او ننداره‌کوونکي کولای شي، چې لوبې ننداره کړي.
خو دا ټولې خبرې د یو شرط پر بنسټ شوي دي، د پنجاب لوبډلې مالک یا مالي ملاتړي نېس وادیا ویلي، چې د هندوستان حکومت، د کرکټ بورډ اداره او د آی پي اېل د بورډ غړي باید د یو صحتمند چاپېریال ډاډ ورکړي او بیا لوبې وشي.
سږ کال آی پي اېل کرکټ لیګ کې اته لوبډلې شاملې دي او تمه ده، چې د کرونا ویروس د تهدید د ختمېدلو په صورت کې یې دیارلسم پړاو ترسره شي.
آی پي اېل سیالۍ د نړۍ په کچه سترې سوداګریزې کرکټ لوبې بلل کېږي، چې د پیسو د لګښت، د ننداره‌کوونکو د جوش، د ټیکنالوژۍ او نورو برخو په لرلو سره یې له نورو کرکټ لیګونو میدان وړی دی.
خو دا لیګ هم د کرونا د وایروس ښکار شو او که تهدید لوړ وي، بیا ښایي ترسره هم نشي، خو د هندوستان د کرکټ بورډ غړو او د آی آپي اېل لیګ مالکانو هیله ښودلې، چې دا نړیواله وبا محوه شي او خلک لوبې وکړي.
د آې پي ایل مسوولین وایي د یوه ښه روغتیایي چاپېریال رامنځته کولو په خاطر یو مثبت او پرځای انتظار ته اړتیا ده.


 

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




قیس احمد د انګلستان ویټالټي بلاسټ سیالیو ته واخیستل شو

لیکوال: محمد صابر حمیدي ، کندهار - برخه : سپورټ

قیس احمد د انګلستان په کورني لیګ «Vitality Blast» سیالیو کې ګډنوالې لوبډلې کینټ واخیست او ددې لیګ په راتلونکې پړاو کې به افغان لوبغاړی قیس احمد د یادې لوبډلې سره ولوبیږي. کینټ لوبډلې پر ... نور ولولئ