مارچ 8, 2021

سریلانکا د آی پي اېل کوربتوب ته چمتو ده

Advertisements

یاران سپورټس
د سریلانکا کرکټ بورډ د هندوستان کرکټ بورډ ته ویلي چې دوی کولای شي په سریلانکا کې د آی پي اېل سیالیو کوربتوب ته اوږه ورکړي او له هند کرکټ بورډ سره دې برخه کې مرسته وکړي.
په سریلانکا کې د کرونا ویروس مثبتې پېښې تر سلو کمې دي او په همدې خاطر سریلانکا د آی پي اېل سیالیو لپاره د کوربتوب ټټر وهلی دی.
په سریلانکا هېواد کې هم مناسبې ټېکنالوژۍ سمبال کرکټ لوبغالي شته، چې د آی پي اېل سیالیو لپاره پکې د لوبو خوند برابرېدی شي.
خو د هندوستان کرکټ بورډ بیا رسنیو ته ویلي چې سریلانکا تر دې دمه د آی پي اېل د کوربتوب په اړه له دوی څخه رسمي غوښتنه نه ده کړې.
د ای پي اېل کرکټ سیالۍ دوه ځلې له خپلو نېټو څخه ځنډول شوي دي.
د مارچ له ۲۹ مې نېټې د اپرېل پنځلسمې نېټې ته او اوس تر امر ثاني یو ځل بیا ځنډېدلي دي.
که د آی پي اېل سیالۍ ترسره نشي، نو د لوبډلو مالکانو او مالي ملاتړو ته به څومره مالي زیان ورسي؟
د آی پي اېل مسوولین او مالکان وایي که سږ کاله د آی پي اېل سیالۍ لغوه شي، نو د کرکټ لوبډلو مالکانو او مالي ملاتړو ته به ۵۰۰ میلیونه ډالر تاوان ورسېږي.
د آی پي اېل سیالیو لپاره هر څه سپانسر کېږي او که ترسره نه شي، نو د هوټلونو، اوبو پلورونکو، بېرغ پلورونکو، هارنډ پلورونکو، موټرو چلوونکو، د انټرنېټ کمپنیو او نورو کار ورسره کم رنګه کېږي او په دې صورت کې هغه شریکه ګټه چې د آی پي اېل د مالکانو، لوبغاړو، د هند کرکټ بورډ او هند دولت ته په لاس ورځي ټوله په اوبو لاهو کېږي.
هیلې شته چې سږ کال د هندوستان د سوداګریزو کرکټ لوبو دیارلسم پړاو د چینای او ممبيي لوبډلو په لومړۍ لوبه پرانیستل شي او کوربه لوبغالی یې هم د ممبيي ښار کې د وانکېډی لوبغالی ټاکل شوی و.
 

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




فرهان یوسفزی: که ملي لوبغاړي ښه وځلیږي، معنوي او مادي مرستې ورسره کوم

لیکوال: محمد صابر حمیدي ، کندهار - برخه : سپورټ

Advertisements لیکنه: محمدصابر حمیدي   د افغانستان د کرکټ بورډ له لورې په خپره شوې اعلامیه کې راغلې، چې د کرکټ بورډ عمومي رئيس فرهان یوسفزي پرون ماښام د افغانستان ملي لوبډلې لوبغاړو سره چې ... نور ولولئ